web counter
LEXO PA REKLAMA!

SHKARKO APP

App Store
Google Play

E fundit!

x

Ndërroi jetë në moshën 80 vjeçare/ Ja si e kujton Bushati ish-shefin e OKB-së

18 Gusht 2018, 15:10, Aktualitet CNA

Ministri i Jashtëm i Shqipërisë, Ditmir Bushati ka shprehur mirënjohje ndaj ish-shefit të OKB, Kofi Anan, i cili ndërroi jetë sot në moshën 80 vjeçare.

Në një postim në rrjetet sociale, Bushati është shprehur se vizioni dhe vendosmëria e Anan, bën të mundur çlirimin e Kosovës dhe garantimin e pacënueshmërisë së saj territoriale.

Gjithashtu Bushati e ka vlerësuar ish-shefin e OKB, për krijimin e një rendi bazuar tek sundimi i së drejtës dhe respekti për të drejtat themelore të njeriut.

Postimi i plotë

Në librin e tij ?Një jetë në luftë dhe paqe?, ish Sekretari i Përgjithshëm i OKB-së, Kofi Annan, fitues i çmimit Nobel për Paqe në vitin 2001, rrëfen vështirësinë e zgjedhjes mes dëshirës personale për të ndërhyrë në Kosovë, dhe etikës profesionale të postit zyrtar.

Kjo dilemë e brendshme përkonte me përplasje më të mëdha, kur Shtetet e Bashkuara të Amerikës dhe Europa nga njëra anë, kërkonin të ndalnin makinerinë genocidiste serbe, ndërsa Rusia nga ana tjetër, kundërshtonte çdo formë ndërhyrje.

Në kulmin e debatit ndërkombëtar rreth ndërhyrjes vendimtare të NATO-s në Kosovë ishte po Kofi Annan, i cili i vuri vulën këtij diskutimi duke e konsideruar atë ?plotësisht legjitime?.

Vizioni dhe vendosmëria e Kofi Annan dhe personaliteteve të kalibrit të tij bëri të mundur jo vetëm çlirimin e Kosovës, pacënueshmërinë e tërësisë së saj territoriale, e për pasojë krijimin e shtetit më të ri të Europës, por edhe jetësimin e një rendi nderkombëtar bazuar tek sundimi i së drejtës dhe respekti për të drejtat themelore të njeriut, larg skenarëve të Shekullit të 19 në të cilat bazohej politika etnocentrike e agresorit. Mirënjohje! /CNA.al





Lajmet e fundit nga