web counter
LEXO PA REKLAMA!

SHKARKO APP

App Store
Google Play

E fundit!

x

Korrupsioni në nivele alarmante/ Zbulohet qëllimi i klikës së Tiranës

14 Gusht 2018, 18:53, Aktualitet CNA

Partia Zgjidhja ka sulmuar Qeverinë shqiptare me anë të një postimi në rrjetet sociale, në lidhje me klimën ekonomike.

Në shkrim thuhet se ndërkohë që qeveritarët janë duke bërë pushime, Shqipëria është e mbytur nga korrupsioni dhe papunësia.

Më tej thuhet se klika e Tiranës,  e donte timonin për ti dhënë fund biznesit të vendit.

Ndër të tjera, Zgjidhja është shprehur se Shqipëria po futet në kolaps ekonomik, duke cituar këtu edhe raportin e fundit të Departamentit Amerikan të Shtetit.

Kjo parti ka kërkuar gjithashtu përmbysjen e Qeverisë, pasi kjo e fundit e ka zhytur vendin në depresion të thellë.

Postimi i plotë

Shqipëria në depresion!

Ndërkohë që qeveritarët vazhdojnë pushimet në hotele luksoze, vendi është përfshirë nga korrupsioni, papunësia, çmimet e larta të papërballueshme, taksat që rriten pa ndalur, krimet e përbindshme dhe aksidentet.

Tashmë është e qartë se klika e korruptuar e Tiranës e donte timonin, për t?i dhënë goditjen e fundit pasurive dhe financave të Shqipërisë.

ZGJIDHJA e ka paralajmëruar prej kohësh se vendi po futet në një kolaps ekonomik, i cili mund të sjellë pasoja tragjike. Kjo qeveri ka stopuar biznesin e ndershëm dhe është futur gjithnjë e më thellë në qerthullin e skemave korruptive, duke i kthyer financat e vendit në një piramidë shpërthyese.

Banka Europiane për Rindërtim dhe Zhvillim, në raportin e saj të fundit thotë se afro gjysma e bizneseve që mbijetojnë në Shqipëri e arrijnë këtë vetëm falë lidhjeve me politikën dhe pushtetin. Kjo ka bërë që zhvillimi i sipërmarrjes të mos bazohet te konkurrenca dhe aftësitë e brendshme të saj, por vetëm te lidhjet korruptive me qeverinë.

Këtë fakt tronditës e evidentoi me tone të forta edhe raporti i fundit periodik për ekonominë shqiptare i Departamenti Amerikan të Shtetit.

Qeveria e Shqipërisë, duke arritur të nxjerrë ?ligje speciale? edhe vetëm për një individ, ka zhdukur bazën e ekonomisë së lirë; nevojën e konkurencës. Kjo bën që ky lloj biznesi që po lulëzon nën sqetullën e qeverisë, të mos ketë nevojë të rekrutojë burime njerëzore të afta e të motivuara, të bukosë zhvillimin ekonomik dhe të detyrojë bizneset e ndershme dhe shqiptarët që të braktisin vendi.

Shqipëria është zhytur në një depresion të thellë ekonomik, financiar dhe social. E vetmja rrugëdalje është përmbysja me çdo mjet, e kësaj klike antipopullore, kriminale dhe të korruptuar deri në palcë, që po zbraz Shqipërinë nga njerëzit aktivë dhe rinia. /CNA.al





Lajmet e fundit nga