Audio-përgjimi Xhafaj-Dëshmitari X/ “Zhduket” Babalja

8 Gusht 2018, 10:28, Aktualitet CNA

Albert Veliu, apo ?Babalja? , u bë i njohur për opinionin publik me 17 maj 2018, ku u paraqit nga Partia Demokratike si ?dëshmitari X? që denoncon trafikun e vëllait të ministrit të Brendshëm, Fatmir Xhafaj.

Albert Veliu ishte personi i cili në audiopërgjimin e publikuar nga Partia Demokratike, u tha se fliste me Agron Xhafajn për pazare droge.

Pas publikimit të videos Veliu u mor në pyetje nga Prokuroria e Tiranës dhe Prokuroria për Krime të Rënda.

Por, menjëherë më pas ai ka lënë territorin e Shqipërisë, duke kërkuar azil politik në Kosovë.

Gjatë kohës së qëndrimit në Kosovë, mësohet se ka pasur edhe tentativa për vrasjen e tij, ndërkaq, Prokuroria për Krime të Rënda ka mbetur si ?peshku pa ujë?, me audio-përgjimin në dorë.

Audio-përgjimi, e cila është edhe prova më e rëndësishme ende nuk i është nënshtruar një ekt-ekspertimi.

Fillimisht materiali u dërgua në Itali, por shteti fqinj, nuk ka pranoi të kryente akt-ekspertimin.

Pas refuzimit të Romës për kryerjen e akt-ekspertimit, prokurorët i janë drejtuar me kërkesë disa shteteve të tjera për kryerjen e këtij akt-ekspertimi.

Mësohet se pas vonesave në kthimin e përgjigjes së letërporosisë prokuroria shqiptare ka vendosur që ekspertiza të bëhet në Angli por edhe për shkak të disa procedurave të cilat kërkonin më shumë kohë në shtetin fqinj.

Ndërkaq dëshmitari X, Albert Veliu, thuhet se është ende në Kosovë dhe se autoritetet atje ende nuk kanë vendosur për fatin e tij.

?Babalja?, i cili tashmë është heshtur e “zhdukur” edhe nga Lulzim Basha, i cili e serviri në skenën politike, thuhet se është personi më i survejuar dhe i mbrojtur nga policia e vendit fqinjë, pasi jeta e tij është vënë në rrezik.

CNA.al, ka raportuar më herët se autoritetet e Kosovës janë vënë në alarm, pasi disa informacioneve se ka pasur tentativë për vrasjen e tij.

Burime thanë për CNA.al, se persona të paidentifikuar dhe të dyshimtë i janë afruar qendrës së azilantëve, ku ndodhej Veliu, dhe afrimi i tyre dyshohet se ka pasur për qëllim një vrasje të mundshme të ?Dëshmitarit X? të Lulzim Bashës.

Ngjarja është mbajtur tepër e fshehtë nga autoritetet kosovare.

Nga ana tjetër, Albert Veliu në komunikimet me autoritetet e Kosovës ka kërkuar që të mos ekstradohet në Shqipëri, pasi ai pretendon se jeta e tij është në rrezik dhe ai mund të vritej, pasi ngjarja ka marrë përmasa shumë të mëdha, më shumë sesa vetë ai e priste dhe kjo mund të sjellë pasoja për jetën./CNA.al