web counter
LEXO PA REKLAMA!

SHKARKO APP

App Store
Google Play

E fundit!

x

Bazë ushtarake në Kuçovë/ Zgjidhja: Përshëndesim investimin e NATO-s

8 Gusht 2018, 09:57, Aktualitet CNA

Në Shqipëri do të ngrihet baza e parë ajrore e NATO-s në Ballkanin Perëndimor. Vendimi është marrë nga Këshilli i Atlantikut Verior, organi kryesor për vendimmarrjen politike të NATO-s.

Pas këtij vendimit ka reaguar edhe partia Zgjidhja. Në një postim në rrjetet sociale, Zgjidhja ka përshëndetur investimin 51 milionë euro të NATO-s.

Reagimi i plotë: 

Zëdhënësi i NATO-s deklaroi dje se ajo ka në plan të investojë 51 milionë euro për të modernizuar bazën ajrore të Kuçovës në Shqipëri. Paratë do të shkojnë drejt përmirësimit të infrastrukturës në bazë, përfshirë edhe depot e karburantit. Financimi është pjesë e Programit të Investimit të Sigurisë së NATO-s që mbulon projekte kryesore ndërtuese në vendet aleate me qëllim përmirësimin e sigurisë në hapësirën e NATO-s dhe në të do të kontribuojnë  29 vendet anëtare të Aleancës.

ZGJIDHJA e përshëndet vendimin e Aleancës që do ta kthejë Kuçovën në një bazë mbështetëse për NATO-n, duke sjellë edhe një standard të ri për sigurinë edhe investime për zonën e Kuçovës. Por përtej aspektit ushtarak, ngritja e kësaj baze ajrore është një lajm i mirë për Shqipërinë, e cila prej vitesh është në duart e krimit të lidhur me qeveritë. Vitet e fundit shqiptarët ishin dëshmitarë se si hapësira ajore e vendit anëtar të NATO-s u vu në shërbim të trafikantëve të drogës të lidhur me qeverinë. Karteli i drogës kërkoi që në vitin 2014 të merrte nën kontroll edhe qendrën e operacioneve detare. Me falimentimin e ekonomisë, shkatërrimin e institucioneve dhe lidhjet e shumta me krimin e trafikantët, qeveritë e Shqipërisë, kanë cenuar sigurinë dhe besueshmërinë e vendit.

ZGJIDHJA e vlerëson si vendimtar për sigurinë kombëtare anëtarësimin e Shqipërisë në NATO dhe ajo, duke qenë mbi të gjitha një aleancë politike, përveçse ushtarake, do të jetë një garanci më shumë për rikthimin e vendit te vlerat demokratike. Shqipëria nuk përmbushte asnjë kusht që të bëhej anëtare e aleancës 10 vite më parë, por ishte kontributi i SHBA-ve, që ajo iu bashkangjit aleancës më të fuqishme në botë.

ZGJIDHJA beson se SHBA-të do të ndihmojnë Shqipërinë në rrugën drejt vlerave europiane që të çlirohen nga kjo elitë politike e korruptuar dhe e kapur, të rivendosë zgjedhjet e barabarta dhe të lira, demokracinë e vërtetë pluraliste, republikën dhe sundimin e ligjit, të shpëtojë nga krimi, korrupsioni, varfëria dhe papunësia, të mund të ketë investime dhe zhvillim ekonomik, arsim dhe zhvillim demografik, aftësi konkuruese dhe mirëqenie.

Të korruptuarit e Tiranës që shtypin pa mëshirë popullin dhe u servilosen partnerëve tanë perëndimorë, do të përpiqen ta shesin këtë investim të NATO-s në Kuçovë si meritë të tyre. Ata, liderët e partive të vjetra, eksponentët e kësaj elite të kriminalizuar, Rama e Saliu me shokë, janë armiqtë më të egër të lirisë të këtij vendi!





Lajmet e fundit nga