web counter
LEXO PA REKLAMA!

SHKARKO APP

App Store
Google Play

Tentoi të vrasë një person/ E pëson keq 41-vjeçari

4 Gusht 2018, 18:37, Aktualitet CNA

Një 41-vjeçar ka përfunduar në prangat e policisë së Dibrës, pasi akuzohet se ka tentuar të vrasë me thikë një shtetas.

Uniformat blu bëjnë të ditur se në pranga ka rënë shtetasi Resmi Dida, 41 vjeç,  banues në fshatin Bllat.

Arrestimi i shtetasit të mësipërm është bërë pasi, ka tentuar të vrasë duke e goditur me thikë në pjesën e qafës shtetasin  E.K, 30 vjeç, banues në Bllatë,  i cili ndodhet në spital jashtë rezikut për jetën.

Deklarata e plotë e policisë:

Tentoi të vrasë me thikë një shtetas

Kapet dhe arretohet brenda 24 orëve,  autori i dyshuar i ngjarjes

Me datë 03.08.2018, ora 23:00, në fshatin Bllatë, njësia Administrative Maqellarë, në ambjentet e një lokali, shtetasi Resmi Dida, 41 vjeç,  banues në fshatin Bllatë,  ka tentuar të vrasë duke e goditur me thikë në pjesën e qafës shtetasin  E.K, 30 vjeç, banues në Bllatë,  i cili ndodhet në spital jashtë rezikut për jetën.

Shtetasi R. Dida, pas ngjarjes është larguar duke përfituar nga errësira, ku falë një  pune të mirëorganizuar rreth orës 19.00, të datës së sotme ( 04.08.2018),   u arrit të kapet dhe arrestohet pranë fshatit Luzni, Dibër.

Nga veprimet  hetimore të kryera nga grupi hetimor dyshohet se ngjarja ka ndodhur për motive të dobëta.

Materialet proceduriale do ti referohen Prokurorisë Pranë Gjykatës së Rrethit Gjyqësor Dibër për veprën  penale “Vrasje me paramendim e mbetur në tentativë”, parashikuar nga nenet 78 e 22 të Kodit Penal.





Lajmet e fundit nga