Milionerët e dyshimtë të Komisionit të Vettingut/ Inspektoriati i deklarimit fsheh pasuritë e tyre?

3 Gusht 2018, 09:35, Aktualitet CNA

Mbi Komisionin e Vettingut janë hedhur dyshime për afera korruptive. Dyshohet se gjyqtarë dhe prokurorë me një të kaluar të errët kriminale po i paguajnë nën dorë për të shtyrë seancën e rivlerësimit apo edhe për t?i hequr fare nga lista.

Pak ditë më parë në media janë publikuar shifra marramendëse, që dyshohen se u janë dhënë komisionerëve të Vettingut.

Duke iu referuar një prokurori kandidat-viktimë e ?fshesës? së Komisionit të Pavarur të Kualifikimit (KPK), ne media është raportuar se pazari është fiksuar 500 mijë USD për shtyrjen e datës së Vetingut me 1 vit, me shpresën se procesi do të jetë ?flakë kashte? e do ndërpritet si çdo proces tjetër dhe 1 milion USD, për nxjerrjen nga lista e verifikimit.

Se komisionerët e Vettingut, kanë për vete dosje të dyshimta, është alarmi më i fundit që është lëshuar nga prokurorët e gjyqtarët.

Disa prej komisionerëvë të Vettingut, janë vetë për t?u hetuar, duke filluar që nga pasuria që kanë, për të vijuar më tej me pastërtinë e figurës dhe aftësinë profesionale. Rastin më të freskët se ka komisionerë me probleme e publikoi Partia Demokratike para ditësh.

Bëhet fjalë për komisionerin Lulzim Hamita, ndaj të cilit Prokuroria e Përgjithshme ka nisur edhe verifikimet për akuzën e falsifikimit.

Sa i përket pasurisë, ka nga ata komisionerë që nuk dinë ku t?i çojnë pronat që kanë. I kanë shpërndarë nëpër familjarë dhe tashmë nuk dinë më në emër të kujt t?i vënë. Bëhet fjalë për apartamente, dyqane, në zonat më të shtrenjta të Tiranës, apo edhe pasuri të tjera të paluajtshme.

Më 23 korrik 2017, CNA.al, me anë të një kërkesë iu drejtuar Inspektoriatit të Lartë të Deklarimit të Pasurive, për të na vënë në dispozicion, deklaratat e pasurisë së anëtarëve të Komisionit të Vettingut.

Sigurisht që kërkesa është bazuar në Kushtetutë dhe në Ligjin për Informim, por pas një jave kohe që e kemi dërguar dhe konkretisht me datë 30 korrik, ILDKPKI, është justifikuar se nuk mund ta realizojë kërkesën tonë.

Ata janë justifikuar me përgjigjen se personat përgjegjës për trajtimin e kërkesës janë me pushime vjetore.

Nuk vëmë në dyshim se punonjësit janë me pushime vjetore, por kjo s do të thotë që institucioni të mos funksionojë, gjë që të çon në dyshimin e ILDKPKI po fsheh pasuritë e komisionerëve të Vetttingut, mbi të cilët ka një një sërë akuzash nga prokurorët dhe gjyqtarët./CNA.al