E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Kush është deputeti që nuk di të shkruajë numrat?

3 Gusht 2018, 06:54, Aktualitet CNA

Një deputet i Kuvendit të Shqipërisë, po të vlerësohej, sot nga procesi i Vettingut, do të binte.

Kjo për arsye të injoracës që nuk di të plotësojë as një formularë të deklarimit të pasurisë.

Alarmi është dhënë nga Drejtori Ekzekutiv në Institutit i Studimeve Politike, Afrim Krasniqi.

Në një postim në rrjete sociale, Krasniqi,thotë se politika duhet të hesht për Vettingun ose së paku, të respektojë parimet e tij.

?Ja ku ndodhet vetë politika! ?Shikoni deklaratën, të cilën e kemi përzgjedhur si simbol i distancës së thellë midis asaj që politika bën dhe asaj që kërkon nga të tjerët.

Deklarata ka disa gabime gramatikore në gjuhën shqipe (ia falim edhe sepse ka kolegë të tij në parlament që janë shumë më keq në këtë pikë), por në përkthimin e shifrave në fjalë ka lexim ekstremisht të ndryshëm të pasurisë së tij?, ka shkruar ai.

Në deklaratë, deputeti shkruan se ka blerë një makinë 400 000 lekë, ndërsa krahas kësaj shifre ai shkruan ?gjashtëqind mijë lekë?.

Postimi i plotë:

Politika duhet të hesht për vetingun ose së paku, të respektojë parimet e tij. Ajo po e trajton vetingun si kamxhik paralajmërues mbi rivalët politikë (mazhoranca) ose si viktimizim (opozita).

Dy palët harrojnë se pritshmëritë publike janë të tjera: qytetarët duan që të ketë vetting edhe në politikë. Me çdo kusht, me çdo çmim, me çdo mënyrë dhe me çdo instrument!

Dita kur politika e politikanët do të japë llogari për pasuritë (komponenti 1), aftësinë (komponenti 2) dhe integritetin (komponenti 3) do të mund të jetë dita e parë e demokracisë funksionale në Shqipëri. Është larg, por është zgjidhja e vetme.

?Ja ku ndodhet vetë politika! ?Shikoni deklaratën, të cilën e kemi përzgjedhur si simbol i distancës së thellë midis asaj që politika bën dhe asaj që kërkon nga të tjerët.

Vetë Kuvendi ka Kod Sjelljeje, ka struktura monitorimi; vetë partia e tij ka Kod Sjellje e struktura monitorimi, por as njëri, as tjetra, nuk kanë bërë asgjë, as detyrimet formale që rrjedhin nga këto akte ligjore/statutore.

Imagjino të ishte gjyqtar apo prokuror: deklarata e pasurisë së tij do të ishte headline në media! Ai është politikan dhe për politikanët ka standarde të tjera, ? politikanët kanë një kod heshtjeje midis tyre majtas e djathtas, dhe së bashku, kanë kod heshtjeje edhe me median: një tipar i ngjashëm me historitë mafioze.