Ministrat Klosi e Bushati me të rinjtë e Smile Albania/ "I kemi statistikat e turizmit, na duhet cilësia"

3 Gusht 2018, 09:31, Aktualitet CNA

Fotoja me buzëqeshjen më të bukur nga Shqipëria, do të vlerësohet edhe me çmim monetar. Nga kampi i të rinjve të Smile Albania, në Velipojë, ministri i Turizmit dhe Mjedisit, Blendi Klosi bashkë me ministrin e jashtëm Ditmir Bushati, lançoi konkursin për promovimin e turizmit shqiptar edhe në rrjetet sociale.. #BestSmile dhe #most Liked photo.

?Ne kemi një qëllim në projektin Smile që shumë e shumë turistë të postojnë në rrjetet sociale fotografitë e tyre pranë të rinjve të projektit Smile dhe pikave tona të buzëqeshjes. Prandaj ai i ri apo e re brenda projektit Smile që do të ofrojë një numër të konsiderueshëm fotosh, limiti është 1 mijë foto, me turistë të ndryshëm, të postuar me hashtagun Smile Albania do të marrë një çmim nga mbështetësit e projektit Smile Albania dhe po ashtu të ketë dy konkurse brenda këtij konkursi; i pari- the best smile- buzëqeshja më e mirë, e cila do t?i dedikohet atij të riu apo të reje brenda projektit që do të mbledhë mbi 1 mijë foto dhe do të zgjedhim buzëqeshjen më të mirë. Brenda rrjeteve sociale do të jetë konkursi i ri, ?The most liked photo? – fotoja më e pëlqyer, pra foto që do të marrë më shumë pëlqime (like) nga pjestarët e projektit Smile.?- tha ministri Klosi.

“Ne kemi fituar betejën me statistikat e turizmit deklaroi ministri Klosi. Ajo që na duhet është rritja e cilësisë? -shtoi ai. Ministri Klosi u kërkoi të rinjve që në muajin gusht kur fluksi i turistëve pritet që të jetë shumë më i madh, të rinjtë e projektit të shtojnë aktivitetet informuese dhe aksionet e pastrimit për të dhënë mesazhin se Shqipëria është një erë të re të zhvillimit të turizmit dhe mbrojtjes së mjedisit.

Në bashkëbisedim me të rinjtë, të dy ministrat u informuan për punën dhe prurjet e turistëve në qarkun e Shkodrës. Të rinjtë u shprehën se janë të shumtë turistët malorë në Theth ndërsa në Velipojë janë më të shumtë turistët nga Kosova, por nuk mungojnë edhe turistët nga vendet nordike apo Gjermania, Franca si dhe turistët aziatikë.

?Ne jemi grupi i Lezhës?- tha një nga të rejat e grupit Smile – ?funksionojmë në disa pika në Lezhë, Vain, në Shëngjin, Rana e Hedhun, dhe në Kune. Kemi turistë që janë shumë të interesuar sidomos për zonën e mbrojtur të Kune Vainit. Kemi pasur turistë të shumë nga Franca, Zvicra, Polonia dhe Italia. Janë shumë të interesuar dhe thonë që Shqipëria është një vend që ofron shumë.?

Ministrit Bushati iu dhuruan gjithashtu edhe simbolet e Smile Albania, nga vetë të rinjtë e punësuar në këtë projekt veror.

Fjala e ministrit Klosi

Jeni tashmë ambasadorë shumë të rëndësishëm të promovimit të pikave të rëndësishme turistike të vendit, por kemi shumë më tepër nevojë që së bashku me ju, bashkitë, bizneset, pushteti lokal në përgjithësi, njerëzit që merren me botën e turizmit të gjejnë te platforma jonë një aleancë shumë të fortë për të promovuar bizneset e tyre. Për t?i dhënë atyre mundësi që nëpërmjet të rinjve të projektit Smile të afrojmë oferta të tjera turistike, oferta që shkojnë përtej plazheve të bukura të Velipojës, Vlorës apo të Durrësit, t?ia afrojmë atyre mundësinë për të vizituar bukuritë e Valbonës, Malit të Tomorit, bukuritë e Dajtit, zonat tona të zhvilluara tashmë të agroturizmit, kulinarinë e famshme të kësaj zone dhe për të pasur mundësi që turistëve që vijnë në Shqipëri, t?u afrojmë gjithmonë e më shumë një mundësi më tepër për të bërë turizëm në Shqipëri.

E kemi një betejë për mjedisin për natyrën, e kemi një betejë të vështirë përpara për të ndryshuar mentalitetin për mjedisin dhe prandaj kam besim që të 500 të rinjtë e Smile dhe të gjithë ata të tjerët që janë aktivizuar brenda këtij projektit nesër do të zgjedhin të vazhdojnë karrierën në këtë profil, për të qenë pranë operatorëve turistikë por po ashtu edhe punonjësve mjedisorë pasi siç e keni kuptuar edhe vetë, Shqipëria ka shumë e shumë bukuri natyrore, ka shumë e shumë gjëra për të ofruar në një industri turizmi edhe të vështirë që po zhvillohet në rajonin tonë. Ne betejën me statistikat e kemi të fituar. Në Shqipëri në vitin 2018 në bazë të statiskave që kemi në muajin e parë të sezonit turistik kemi një rritje mbi 10% të numrit të turistëve por duam shumë që muaji gusht të asistohet shumë më tepër nga ju, me mikpritjen nëpër pikat kufitare, por edhe me aksione pastrimi për të dhënë mesazhe të qarta se në Shqipëri ka filluar një erë e re për mbrojtjen e mjedisit, për mospërdorimin e qeseve plastike, për ruajtjen e pastërtisë dhe për të pasur mundësi që edhe në Shqipëri të kemi standarte të cilësisë së shërbimit, por edhe standarte të mbrojtjes së mjedisit.

Ne kemi një qëllim në projektin Smile; që shumë e shumë turistë të postojnë në rrjetet sociale fotografitë e tyre pranë të rinjve të projektit Smile dhe pikave tona të buzëqeshjes. Prandaj ai i ri apo e re brenda projektit Smile që do të ofrojë një numër të konsiderueshëm fotosh, limiti është 1 mijë foto, me turistë të ndryshëm, të postuar me hashtagun Smile Albania do të marrë një çmim nga mbështetësit e projektit Smile Albania dhe po ashtu të ketë dy konkurse brenda një konkursi; i pari- The Best Smile- Buzëqeshja më e mirë, e cila do t?i dedikohet atij të riu apo të reje brenda projektit që do të mbledhë mbi 1 mijë foto dhe do të zgjedhim buzëqeshjen më të mirë. Brenda rrjeteve sociale do të jetë konkursi i ri, ?The Most Liked Photo? – fotoja më e pëlqyer, pra foto që do të marrë më shumë pëlqime (like) nga pjestarët e projektit Smile.