web counter
LEXO PA REKLAMA!

SHKARKO APP

App Store
Google Play

Evropa po “shkrin” nga të nxehtit, pritet të thyhet rekordi 41-vjeçar në ditët në vijim

3 Gusht 2018, 08:07, Aktualitet CNA

Evropa është përfshirë nga një valë të nxehti së fundmi dhe pritet tashmë që rekordi  të thyhet në Spanjë dhe Portugali.

Parashikuesit e motit paralajmërojnë se rekordi i të gjitha kohërave mund të thyhet në ditët në vazhdim. Rekordi aktual në Evropë është 48 gradë Celsius, i regjistruar në Athinë, në korrik të vitit 1977.

Temperaturat janë në rritje në Spanjë dhe në Portugali dhe parashikuesit e motit thonë se mund të vazhdojnë të rriten. Nëse kjo ndodh atëherë sipas meteorologëve do të thyhet rekordi 41-vjeçar në Evropë.

Shërbimi kombëtar meteorologjik në Spanjë lëshoi një paralajmërim së paku deri të dielën, duke thënë se vala e të nxehtit do të jetë veçanërisht e fortë dhe e qëndrueshme në jugperëndim.

Grupi i paralajmërimit të motit në Evropë, Meteoalarm, ka lëshuar alarmin e kuq që do të thotë se situata është e rrezikshme për jetën për pjesën më të madhe të Portugalisë dhe disa pjesë të Spanjës.





Lajmet e fundit nga