E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

PD-LSI të përçara/ Kryemadhi përgatitet për trazira, Basha “zhduket”

3 Gusht 2018, 07:46, Aktualitet CNA

Partia Demokratike dhe Lëvizja Socialiste për Integrim janë me qëndrime të ndryshme sa i takon çështjes së ligjit të teatrit.

Shtatori pritet që të rikthejë edhe njëherë përplasjet mes mazhorancës dhe opozitës pasi socialistët pas dekretit të presidentit Meta për të rikthyer edhe njëherë në Kuvend ligjin e teatrit, pritet ta rivotojnë sërisht atë.

Por kjo tentativë e socialistëve për të kaluar në votim sërisht ligjin për ristrukturimin e teatrit, ka bërë që LSI dhe PD të mbajnë qëndrime të ndryshme mbi aksionin politik që do të ndërmarrin gjatë shtatorit. Prej disa ditësh kreu i grupit parlamentar i LSI, Petrit Vasili ka bërë të ditur se Lëvizja Socialiste për Integrim do të ndërmarrë një aksion të fortë kundër qeverisë duke paralajmëruar edhe trazira, shkruan gazeta Sot.

Mesazh që e përsëriti edhe dje teksa ishte i ftuar në një studio televizive. Vasili tha se LSI nuk do të bëjë asnjë hap mbrapa pasi çështja e teatrit është më e gjerë sesa mendohet.

?Ne nuk do të bëjmë asnjë centimetër mbrapa, jo më metër në lidhje me këtë çështje. Siç edhe nuk kemi bërë deri më tani. Ne kemi pasur një marrëdhënie të kushtëzuar me Parlamentin, jo bojkot, sepse nuk e kemi parë të udhëz që të bojkotojmë. Dhe kjo marrëdhënie e kushtëzuar, që sigurisht për një çështje parimore që nuk është teatri, është një simbolikë sepse argumentimi i presidentit na bëri të kuptojmë se çështja është shumë më e gjerë sesa kaq. Dhe sigurisht kjo gjë vlen për të pasur një qëndresë shumë më të fortë sesa kaq, në të mirë, në radhë të parë, të kushtetutshmërisë të këtij vendi por edhe të shtetit ligjor?, tha ai.

Por në ndryshim nga LSI, e cila e ka paracaktuar aksionin politik, PD akoma nuk ka marrë një vendim përfundimtar se çfarë aksioni politik do të ndërmarrë kundër qeverisë për çështjen e teatrit.

Gazeta kontaktoi dje disa deputetë të Partisë Demokratike dhe ata pohuan se akoma nuk kanë një qëndrim mbi çështjen e teatrit. Por ndonëse deputetët nuk ishin të qartë mbi mënyrën që Partia Demokratike do të ndërmarrë ndaj qeverisë, gazeta mësoi se Basha në ndryshim nga Kryemadhi, ka vendosur që të qëndrojë në krah të artistëve dhe qytetarëve duke mbështetur veprimet e tyre.

Detaj që u pohua pak edhe nga deputeti demokrat Luçiano Boçi, i cili gjatë një reagimi për gazetën, u shpreh se PD do të vazhdojë të jetë në mbështetje të artistëve. Sipas Boçit Partia Demokratike do të vijojë të jetë në mbrojtje të vlerave historike dhe trashëgimisë kulturore.