web counter
LEXO PA REKLAMA!

SHKARKO APP

App Store
Google Play

E fundit!

x

Nga numri një i Prokurorisë në i akuzuar/ Llalla rrezikon qelinë

23 Korrik 2018, 13:23, Aktualitet CNA

Për herë të parë në historinë e Shqipërisë , një ish-Prokuror i Përgjithshëm vihet nën hetim për akuzën e rëndë të pastrimit të parave.

Rreth tetë muaj më parë, Adriatik Llalla ishte numri një i akuzës në Shqipëri,sot është i pari nga akuza, në nivelin e tij,  i vënë nën hetim.

Nga njeriu që kishte në duar kriminelët e të korruptuarit e të gjitha niveleve, sot ai ndodhet në ?mëshirën?  e ish-vartësve të tij në  Krimet  e Rënda.

Thënë ndryshe, Llalla, sot, është bashkuar me ata që dikur i ka dërguar në qeli.

Kujtojmë se Adriatik Llalla po hetohet për katër akuza.

Veprat  penale që rëndojnë mbi ish-kryeprokurorin janë: Refuzim për deklarimin, mosdeklarimin, fshehjen ose deklarimi i rremë i pasurisë, mosdeklarimit të shumave të të hollave në kufi, pastrimi i produkteve të veprës penale, si dhe shpërdorim detyre.

Llalla po ashtu është vënë në shënjestër  publikisht edhe  për pasuritë e shumta të krijuara në një kohë të shkurtër si dhe për transaksionet që ka kryer duke rritur vlerën e tyre: një mekanizëm ky i njohur në skemat e pastrimit të parave.

Sot , Gjykata e Krimeve të Rënda ka njoftuar për sekuestrimin e pasurive të tij.

Bëhet fjalë për një apartament banimi, me sipërfaqe 67.2 m², ndodhur në Durrës, tokë arë, me sipërfaqe 4.500 m², ndodhur në Tiranë, tokë arë, me sipërfaqe 12.300 m², ndodhur në Tiranë, tokë arë, me sipërfaqe 3000 m², ndodhur në Tiranë si dhe tokë arë, me sipërfaqe 2250 m², ndodhur në Tiranë.

Risjellim në vëmendje, Adriatik Llallës i mbaroi mandati në 12 dhjetor 2017.

Në fillim të këtij viti ai paraqiti dorëheqjen nga sistemi i drejtësisë, vendim që u pasua me ndërprerjen e Vettingut./CNA.al





Lajmet e fundit nga