web counter
LEXO PA REKLAMA!

SHKARKO APP

App Store
Google Play

E fundit!

x

Basha kërkon pazar me Ramën/ Dua të takohemi prapë

23 Korrik 2018, 11:34, Aktualitet CNA

Ka kaluar më shumë se një vit nga marrëveshja e 18 majit, mes kryeministrit Rama dhe kreut të PD, Lulzim Basha. Një marrëveshje, detajet e së cilës kurrë nuk u bënë të ditura.

Por, nga ana tjetër sot, Basha ka kërkuar pazarin e radhës me kryeministrin Rama.

Në një dalje për mediat nga selia blu, Basha i kërkoi takim Ramës, duke vërtetuar se qëndrimi i opozitës për pr.ligjin e magjistraturës është vetëm fasadë, ndërsa qëllimi kryesor i Bashës është pazari i radhës me Ramën.

Kryedemokrati Basha i bëri ofertën e tij Ramës, duke i i vendosur kushte, për miratimin e pr.ligjit për Magjistraturën. Basha ka bërë me dije propozimet e tij në këmbim të votimit të këtij ligji, e një ndër to është zgjidhja urgjente e ngërçit të krijuar në Gjykatën Kushtetues.

Basha ka shpalosur paketën me 7 pika, që ia ofrojnë mazhorancës, në këmbim të votës së tyre.

?E para, të qëndrojmë besnik konsensusit të  21-22 korrikut 2016. Të çbëhen rregullat ligjore që janë miratuar njëanshëm në kundërshtim me frymën e konsensusit dhe në kundërshtim me Kushtetutën.

E dyta është zgjidhja e situatës së paligjshmërisë në organin e prokurorisë, paligjshmëri që ka kapur gjithë piramidën e prokurorëve.

E treta, zgjidhje e situatës së paligjshmërisë me procedurën e përzgjedhjes së anëtarvë te jashtëm të KLGJ dhe KLP. Këto këshilla duhet të zgjidhen sipas Kushtetutës.

E katërta, zgjidhje urgjente  e ngërçit të krijuar në Kushtetuese. Sa kohë që nuk ka Gjykatë Kushtetuese,  vendi është në kushtet e  grushti të shtetit.

E pesta është  zgjidhja  urgjente nga ngërçi i krijuar nga tejzgjatja e periudhës tranzitore që të ngrihet KLGJ e KLP.

E  gjashta është ecuria normale sipas Kushtetutës dhe ligjeve të procesit të Vettingut,  ndërprerja e menjëhershmne e ndërhyrjes politike nga ana e mazhorancës.

Dhe e shtata është ngritja e një komisioni  koordimi që të mbikqyrë konstituuimin e organeve të reja të sistemit të drejtësisë?, ka thënë Basha./CNA.al





Lajmet e fundit nga