web counter
LEXO PA REKLAMA!

SHKARKO APP

E fundit!

x

Përçahet opozita/ LSI braktis Bashën?

23 Korrik 2018, 09:33, Aktualitet CNA

Ditën e djeshme, kryetari i grupit parlamentar të PD, Edmond Spaho, në një letër drejtuar Kryetarit të Kuvendit, bën të ditur se PD nuk do të bëhet pjesë e nënkomisionit parlamentar, që do të mbikëqyrë zbatimin e ligjit për Vettingun në polici, duke e cilësuar si një farsë.

Në letrën drejtuar Ruçit, Spaho shkruante se ?Sa kohë procesi i vettingun, drejtohet nga një Ministër i Brendshëm, i lidhur me krimin e organizuar dhe që nuk pranon që vetë të jetë subjeki i procesit të vettingut, opozita e konsideron këtë proces një farsë të papranueshme, ku nuk mund të bëhet pjesë?, – thotë kreu i deputetëve demokratë, Edmond Spaho.

Por nga ana tjetër , LSI duket që nuk do t’i bashkohet këtij vendimi të Partisë Demokratike. Nënkryetari i LSI, Luan Rama gjatë një prononcimi për mediat jashtë sallës së parlamentit tha sot se LSI nuk është një institucion bojkotesh.

Rama ndër të tjera theksoi se ?LSI do japë kontributin e saj për të gjitha problematikat e krijuara për shkak të papërgjegjshmërisë së mazhorancës.?/ CNA.al





Lajmet e fundit nga