Arrestohen ‘skifterat’ e karburanteve

15 Korrik 2018, 08:52, Aktualitet CNA

Ditën e sotme Policia e Kurbinit ka vënë në pranga autorët e grabitjes së karburantit ngjarja e ndodhur në korrik të 2017.

Autori i ngjarjes është Fatjon Tafa 27 vjeç, dhe Flakon Tafa 24 vjeç. Ky i fundit është dënuar dhe më parë nga policia. Në 28.02.2018 kanë tentuar të vjedhin dhe një karburant tjetër.

Autorët e krimit ishin tre, dhe në kërkim nga policia është F.K 30 vjeç.

Nga vjedhja e karburantit grabitësit morën 110 lekë të reja.

Njoftimi i plotë:

Finalizohet operacioni “Skuraj”

Hetim me metoda proaktive nga Policia e Kurbinit dhe Prokuroria pranë Gjykatës së Shkallës së Parë Kurbin

Zbardhet autorësia e vjedhjes me armë të një karburanti datë 28.07.2017 dhe tentativës të vjedhjes me armë të një karburanti tjetër datë 28.02.2018, në Kurbin

Identifikohen, lokalizohen dhe kapen dy nga autorët e dyshuar , dhe një tjetër shpallet në kërkim

Në vijim të punës për goditjen e grupeve të vjedhjeve gjatë natës si dhe zbardhjen e autorësisë së vjedhjeve të vjetra, nga strukturat policore të Komisariatit të Policisë Kurbin në bashkëpunim me Prokurorinë pranë Gjykatës së Shkallës së Parë Kurbin, janë kryer hetime intensive me metoda speciale hetimi për një periudhë relativisht të gjatë kohore, ku si rezultat i tyre është finalizuar operacioni ” Skuraj” , me zbardhjen e autorësisë së dy rasteve të vjedhjes me armë të një karburanti dhe vjedhjes me armë e mbetur në tentativë të një karburanti tjetër në Kurbin, në dy data të ndryshme.

Konkretisht:

Më datë 28.07.2017, rreth orës 03:00, në Skuraj të rrethit Kurbin, të armatosur dhe të maskuar, 3 shtetas në bashkëpunim me njëri kanë vjedhur pikën e një karburanti ku kanë marrë shumën monetare 110.000 lekë të rinj.

Më datë 28.02.2018, rreth orës 00:20, kanë tentuar të vjedhin po më armë pikën e një karburanti në aksin rrugor Milot – Thumanë.

Si autorë të dyshuar të këtyre rasteve, janë identifikuar shtetasit:

– Flakon Tafa, 24 vjeç, banues në Kurbin ( i dënuar më parë)

– Fatjon Tafa , 27 vjeç, banues në Kurbin ( i dënuar më parë) të cilët janë arrestuar në flagrancë.

Si dhe është shpallur në kërkim dhe punohet për kapjen e shtetasit F.K.30 vjeç, banues në Kurbin ( i dënuar më parë)

Për të tre shtetasit e lartpërmendur, Gjykata e Rrethit Gjyqësor Kurbin ka caktuar me vendimin datë 12.07.2018, masën e sigurisë ” Arrest me burg” për veprat penale ” Vjedhje me armë’ e kryer në bashkëpunim” parashikuar nga neni 140-25 të Kodit Penal.

Vazhdon puna hetimore për dokumentimin ligjor të rasteve të tjera të vjedhjeve ku dyshohet se këta shtetas janë autorë. /CNA.al