web counter
LEXO PA REKLAMA!

SHKARKO APP

App Store
Google Play

E fundit!

x

Rama tregon kullat e rojes/ Në Shqipëri çdo fundjavë ka të mbytur

15 Korrik 2018, 09:39, Aktualitet CNA

Kryeministri Edi Rama e ka nisur ditën në rrjetet sociale me publikimin e disa fotove ku duken rojet e kullave bregdetare në detyrë.

Sipas Ramës situata ka thënë se situata në të gjithë vendin nuk është perfekte, por nga Velipoja në Sarandë ka përmirësim të gjendjes.

?Për herë të parë ka një infrastrukturë kullash vrojtimi në funksion të sigurisë së pushuesve nga Velipoja në Sarandë. Ende jo perfekte dhe pa boshllëqe, po si dita me natën me vitet e shkuara dhe në përmirësim ditë pas dite, megjithë dobësitë e mëdha të pushtetit vendor në këtë drejtim, edhe pse ky aspekt është detyrë ligjore e funksion i bashkive. Sidoqoftë asnjë justifikim dhe bashkëpunimi me bashkitë për të garantuar një sezon të pastër e të sigurtë po forcohet dita-ditës në terren?,- shkruan Rama.

Krahas kësaj paraqitjeje të kryeministrit për gjendjen duhet thënë se këtë fillim sezoni turistik, janë shënuar viktima si rrallëherë në brigjet shqiptare. Thuajse çdo fundjavë regjistrohet nga një i mbytur dhe duhet thënë se ky nuk është rasti më i mirë për të bërë propagandë politike.

Në çdo situatë qytetarët e prononcuar për media kanë ngritur problemin e rojeve në kullat e vrojtimit që thuajse nuk duken fare gjatë ditës.

Madje vlen të kujtohet dhe një rast, ku një i ri i cili rrezikoi të mbytej në plazhin e Qerretit , u shpëtua nga qytetarët dhe turistët, pasi roja bregdetare mungonte. /CNA.al





Lajmet e fundit nga