web counter
LEXO PA REKLAMA!

SHKARKO APP

App Store
Google Play

E fundit!

x

Zhvasnin të burgosurit/ Zbardhet skema e mashtrimit të avokatit dhe policit

14 Korrik 2018, 07:59, Aktualitet CNA

Ditën e djeshme Gjykata ka dhënë masën arrest me burg për dy të arrestuarit avokatin Devis Qana dhe policin e gjykatës Durrësit Haki Dyli, nën akuzën se mashtronin qytetarët duke i marrë 2 mijë euro për ti zgjidhur problemet në gjykatë dhe prokurori.

Kallëzimi ndaj tyre është bërë nga vetë kryetarja e gjykatës së Durrës Joana Qeleshi, e cila është vënë në dijeni se këta persona kërkojnë sasi të konsiderueshme parash tek qytetarë të ndryshëm, me premtimin se lekët do jepeshin tek gjyqtarët dhe prokurorët për të zgjidhur punë.

Shqiptarja.com ka zbardhur skemën e ushtrimit të korrupsionit nga dy të akuzuarit.

Mësohet se avokati dhe polici i kërkonin para të burgosurve në vlerën deri në 2 mijë euro dhe më pas kur gjyqtarët vendosnin lirimin nga qelia të të arrestuarve, Qana dhe Dyli i thonin se kishin bërë punën sipas premtimit, ndaj dhe i mbanin lekët. Por kur gjyqtarët ose prokurorët nuk vendosnin ashtu siç kishin premtuar dy personat e arrestuar, atëherë ata i kthenin lekët e mara mbrapsht.

Qytetarët për të zgjidhur hallin në mënyrë të shpejtë, pranonin të bashkëpunonin me Devis Qanën dhe Haki Dylin, kundrejt pagimit të shumave që varionin deri në dy mijë euro. Personi që interesohej në sekretarinë gjyqësore për të marë informacion ishte polici i gjykatës, Haki Dyli, i cili interesohej për kërkesat e palëve, vendimin e gjyqtarit, orarin e gjyqeve etj. E gjithë kjo dinamikë dhe dhënia e parave nga qytetarët pas premtimeve se do u jepeshin gjyqtarëve dhe prokurorëve, është zbuluar gjatë hetimeve, dhe për pasojë tre ditë më parë u urdhërua arrestimi i tyre. /CNA.al





Lajmet e fundit nga