E fundit!

21:42 Kronika

Konflikt mes vëllezërve në Kavajë/ Ndërron jetë 74-vjeçari, u godit me thikë

Një ngjarje tragjike ka ndodhur mbrëmjen e sotme në fshati...

Dëshmitari: Njerëzit vraponin të lyer me gjak/ Skandal, Policia mbulon ngjarjen?!

8 Korrik 2018, 09:15, Aktualitet CNA

Mëngjesin e sotëm u raportua një ngjarje e rëndë nga Dhërmiut.

Sipas të dhënave të para mediatike, të cilat u referoheshin dëshmitarëve në vendgjarje u raportuar se ka pasur një përplasje me armë, mes grupeve rivale në një nga lokalet e Dhërmiut.

Sipas Fax Neës ngjarja ka ndodhur pak pas mesnate në një lokal në zonën e Dhërmiut, ku si pasojë e përplasjes me armë mes grupeve rivale katër persona kanë mbetur të plagosur.

Konflikti në Havana mësohet se ka zgjatur rreth 10 minuta, dhe njerëzit në panik e sipër janë lënduar duke kaluar mbi xhamat e thyer.

Një version të tillë ka publikuar edhe ish-kryeministri Sali Berisha në rrjetet sociale, duke uiu referuar denoncimit të turistit dixhital.

Ndodheshim në Havana klub në Dhërmi ku nje sherr banal mes të ?fortëve? degjeneroi me të shtëna armësh dhe njerëz të plagosur. Kemi parë tmerr me sy! Gjak kudo dhe njerëz që vraponin kudo. Ka zgjatur më shumë se 10 minuta dhe ngjante me një akt terrorist. Nuk kishim ku fusnim kokën për shkak të ambjentit të hapur. Ka pasur më shumë se 5 të shtëna dhe strukeshim ku të kishim mundësi madje duke shtypur dhe njëri tjetrin. Policia jonë mediokre erdhi 10 minuta pasi kishte mbaruar çdo gjë në këmbë dhe ambulanca pas gjysmë ore?, thuhet në deoncimin e turistit dixhital

Më tej denoncuesi, konfirmon se ka pasur të plagosur dhe thotë se kanë përjetuar tmerr dhe terror

?Dhe ka pasur të plagosur. Në lokal askush s?bëri kontroll fizik dhe asnjë lloj pyetje perveçse a keni rezervuar? Këto janë pushimet tona të sigurta dhe me kujtime të bukura. Kjo është policia dhe shteti që duam?, denoncon më tej turisti dixhital.

Version i Policisë

Nga ana tjetër policia mohon një ngjarje dhe një skenë të tillë, madje thotë se nuk është e vërtetë asgjë nga ato që janë raportuar dhe se e kanë pasur gjatë gjithë kohës situatën nën kontroll.

Policia thotë se ka pasur vetëm disa të shtëna në ajër, ndërsa dëshmitarët të kundërtën.

Por në versionin, saj nëpërmjet komunikimit me median, policia ka qenë kondraktiktor, kundrejt deklaratave të dëshmitarëve.

Në njoftimin paraprak policia pohon se ka ndodhur një konflikt në një lokal dhe se ka pasur të shtëna në ajër.

Por, një dëshmitar në vendngjarje ka rrëfyer për JOQ.al se njerëzit veç plumbave që mund të kishin marrë nga të shtënat e armës, u lënduan edhe në tentativë e sipër për të dalë nga klubi i natës.

?Isha i pranishëm tek ngjarja në Dhërmi. Ishte super kaos dhe pamë njerëz duke vrapuar, të lyer në gjak nga përpjekjet për të dalë nga Havana. Pamë dhe më vonë personin që qëlloi me armë, duke u përpjekur të fshihej. Unë po kaloja aty dhe në një moment u dëgjua një krismë, njerëz që bërtisnin dhe që po shpërndaheshin. Pas asaj vazhduan diku tek 6 krisma të tjera. Pamë një çift francez që kishin prerë këmbët me xhama, njerëz duke vrapuar. Më vonë u grumbulluan afër një vile. Vajtëm për të parë se çfarë po ndodhte. Pamë personin me armë në dorë që po përpiqej të fshihej. Kemi qenë rreth 20 çuna dhe u shpërndamë?- ka thënë deshmitari.

Njoftimi paraprak i Policisë dërguar në orën 08.53 të mëngjesit të së dielës

Në Dhërmi nuk ka asnjë të lënduar, asnjë të plagosur, asnjë viktimë. Ka ndodhur një konflikt në një lokal. Një person ka qëlluar me armë në ajër. Nga të shtënat s?ka asnjë të lënduar. Policia ka ndërhyrë menjëherë, ku ka bërë të mundur kapjen dhe shoqërimin e autorit te dyshuar. Grupi hetimor është duke punuar për dokumentimin plotë të ngjarjes. Më vonë do keni info të plotë./CNA.al