E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Mazhoranca fut për votim projektligjin “Për Magjistratët”/ Rama vë në provë PD-LSI

8 Korrik 2018, 07:54, Aktualitet CNA

Në seancën plenare që pritet të mbahet ditën e hënë, mazhoranca ka vendosur që të fusë në rendin e ditës të seancës projektligjin për disa shtesa dhe ndryshime në ligjin ?Për statusin e gjyqtarëve dhe prokurorëve?.

Kjo gjë bëhet me qëllim për të rregulluar zhvillimin normal të veprimtarisë së Shkollës së Magjistraturës, si dhe në mënyrë që t?i hapet rruga emërimit të kandidatëve magjistratë të diplomuar në muajin qershor të vitit 2018, deri në krijimin e Këshillit të Lartë Gjyqësor dhe Këshillit të Lartë të Prokurorisë.

Sikurse raporton gazeta SOT? deputetët e PS kanë propozuar që për të zgjidhur ngërçin e krijuar, t?i rikthehen kompetencat e Këshillit të Lartë të Drejtësisë dhe Prokurorisë së Përgjithshme për emërimin e gjyqtarëve dhe prokurorëve të rinj, derisa të ngrihen KLGJ dhe KLP.

Mirëpo binomi PD-LSI është shprehur kundër këtij ndryshimi, ndërsa LSI nuk i ka kursyer as sulmet ndaj KLD. Sipas opozitës, një rikthim i tillë kompetencash do të ishte thjesht një hap mbrapa në një kohë kur është miratuar paketa e reformës në drejtësi. Por i gjithë problemi me këtë projektligj qëndron tek fakti se vetëm votat e mazhorancës për miratimin e tij nuk mjaftojnë.

Ai duhet të miratohet me 84 vota, ndërsa Partia Socialiste arrin të sigurojë vetëm 79. Në këto kushte asaj i duhen që edhe 5 deputetë të opozitës të ngrenë kartonin jeshil për këtë projektligj. Pra, projektligji ?Për disa shtesa dhe ndryshime në ligjin ?Për statusin e gjyqtarëve dhe prokurorëve? do të shërbejë si një provë për PD dhe LSI.

Ditën e hënë do të vihet re nëse ka deputetë opozitarë të cilët flirtojnë me PS. Një tjetër gjë që do të provohet është edhe sesa e do opozita reformën në drejtësi dhe zgjidhjen e ngërçit të krijuar në sistemin e drejtësisë. Vazhdimisht ata nëpër deklaratat publike shprehen të shqetësuar për situatën e sistemit të drejtësisë, por të hënën do të provohet sesa realisht duan ta ndryshojnë këtë situatë.