web counter
LEXO PA REKLAMA!

SHKARKO APP

App Store
Google Play

Doganierët arrestohen për fasule/ Policia jep detajet

8 Korrik 2018, 08:28, Aktualitet CNA

Policia e Korçës ka vënë në pranga disa doganierë të cilët kalonin mallra kontrabandë në doganën e Goricës.

Policia ka bërë me dije se kanë rënë në pranga shtetasit Petre Mitre, 27 vjeç, banues në Gollomboç- Pustec, Gentian Keco; 34 vjeç, banues në Baban-Devoll; Hektor Marino, 39 vjeç, banues në Korçë.

Policia gjatë kontrollit të ushtruar në mjet ka sekuestruar në cilësinë e provës materiale 1.3 ton fasule, sasi e dyshuar si kontrabadë, për të cilën dy doganierët dyshohet se kanë shpërdoruar detyrën.

Njoftimi i policisë:

Korçë

Specialistët e Sektorit për Krimin Ekonomik-Financiar në Drejtorinë Vendore të Policisë Korçë, bënë kapjen dhe arrestimin në flagrancë të shtetasve:

? Petre Mitre, 27 vjeç, banues në Gollomboç- Pustec.
? Gentian Keco, 34 vjeç, banues në Baban-Devoll.
? Hektor Marino, 39 vjeç, banues në Korçë, të dy me detyrë doganierë pranë Pikës së Kalimit Kufitar Goricë.

Pasi në datë 07.07.2018, shtetasi Petre Mitre, u kap me mjetin tip “Volkswagen” me targa CB3291MK, brenda të cilit iu gjet e sekuestrua në cilësinë e provës materiale 1.3 ton fasule, sasi e dyshuar si kontrabadë, për të cilën dy doganierët dyshohet se kanë shpërdoruar detyrën, duke lejuar kalimin për në tokën shqiptare, pa i’u nënshtruar kontrollit dhe procedurave të nevojshme doganore.

Materialet i kaluan Prokurorisë të Rrethit Gjyqësor Korçë për veprat penale “Kontrabanda me mallra të tjera” dhe “Shpërdorimi i detyrës” parashikuar nga nenet 174 dhe 248 të Kodit Penal. /CNA.al

 





Lajmet e fundit nga