web counter
LEXO PA REKLAMA!

SHKARKO APP

App Store
Google Play

E fundit!

x

Disa orë para seancës parlamentare/ Paralajmëron Kryemadhi

4 Korrik 2018, 20:09, Aktualitet CNA

Disa orë para seancës plenare të së enjtes, ku pritet të votohet edhe ligji për Teatrin Kombëtar, ka reaguar edhe kryetarje e Lëvizjses Socialiste për Integrim Monika Kryemadhi.

Me anë të një postimi në rrjetet sociale, Kryemadhi shprehet se nuk do të ketë asnjë hap pas, dhe se do të vijojë mbrojtja për Teatrin Kombëtar.

“Asnjë hap prapa, të mbrojmë teatrin nga hajdutët e qeverisë!

Opozita ka qenë që në fillim në mbështetje të kërkesave të artistëve, edhe pse çështja e Teatrit Kombëtar është çështje me përmasa kombëtare dhe nuk mjafton vetëm protesta e artistëve”, – shkruan Kryemadhi.

Më tej ajo shprehet se, “Të ndërtosh kulla atje, ku për dhjetëra e dhjetëra vite është prodhuar kulturë, është arrogancë me çmim të lartë, çmim që sot e paguajmë të gjithë së bashku.”

Kryemadhi paralajmëron se “Aksioni opozitar për çështjen e Teatrit do të vazhdojë pa ndalim!”

Më tej ajo shprehet se ndonëse ka shumë për të kritikuar për punën e bërë nga opozita, sërish është e vetmja alternativë.

“Ne e dimë që kemi shumë gjëra për të kritikuar në punën tonë, por pa dyshim jemi në një proces përmirësimi të pandalshëm, që po ia lëkund shtyllat e pushtetit, të ndërtuar dhe mbajtur me paratë e drogës dhe krimit, Edi Ramës.

Ne jemi alternativa e re për të zëvendësuar këtë pushtet të zhytur në krim e korrupsion. Dhe për këtë partnerët tanë janë qytetarët e ndershëm të të gjithë Shqipërisë, pa dallime partiake, pasi Shqipëria është mbi të gjitha.

Krimi e droga janë fatkeqësia jonë dhe e fëmijëve tanë! Ndaj sa më shpejt të ndodhë rokada e pushtetit, aq më të mbrojtur janë fëmijët e shqiptarëve nga droga dhe krimi”, – përfundon Kryemadhi. /CNA.al





Lajmet e fundit nga