E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

“Vdes” urdhëri i Bashës për riorganizimin/ Kalojnë të gjitha afatet

2 Korrik 2018, 11:45, Aktualitet CNA

Në urdhërin e Lulzim Bashës nr 25, i datës 11 maj 2018, përcaktoheshin qartë datat dhe afatet për riorganizimin e seksioneve si qeliza kryesore e PD-së, dhe grupseksioneve si niveli i dytë më i rëndësishëm organizativ në nivel lokal.

Urdhëri është i qartë, në pikën 5 theksohet se grupet e punës mblidhen brenda datës 14 maj, por në fakt shumica e tyre nuk janë mbledhur fare. Basha ose nuk ka njerëz për grupet e punës, ose nuk i shkon më askush, ose siç i gënjen ai, e gënjejnë edhe atë.

Po pika 5/ C përcakton se me 7 qershor duhet të kishin përfunduar zgjedhjet në grupseksione. Sot është 2 korrik dhe nuk kanë përfunduar zgjedhjet në grupseksione, as në 5% të territorit të Republikës.

Gjithashtu pika 5/C thekson se deri të shtunën, pra në 30 qershor duhet të kishin përfunduar zgjedhjet në seksione, ç’ka do të thoshte përfundimi i procesit të riorganizimit në qelizën e PD-së dhe në nivelin e dytë lokal, për t’u përgatitur më tej për zgjedhjen e kryetarit të degës.

Grupet e punës nuk janë mbledhur, afati për zgjedhjen e grupseksioneve ka ikur gati një muaj, seksionit i kanë kaluar disa ditë. Urdhëri i Lulzim Bashës, i cili ka afat 45 ditë nga data 11 maj, zyrtarisht ka vdekur, nuk po zbatohet. PD nuk po riorganizohet dhe nuk po zhvillohen zgjedhjet.

Me disa ndryshime statutore dhe me urdhërin e radhës, Lulzim Basha në gati pesë vite në krye të PD-së nuk ka mundur të zhvillojë ende një proçes të plotë riorganizimi në bazën e partisë.

Afatet kanë kaluar, tashmë Botërori vazhdon, përpara janë pushimet e verës dhe me shumë gjasa riorganizimi i PD-së dhe përfundimi i zgjedhjeve do të shkojnë përtej vjeshtës, duke afruar riorganizimin me zgjedhjet lokale. Pra përplasjet e bazës mund të reflektohen fuqishëm në zgjedhje, cka mund të sjellë një dëmtim të PD në zgjedhje dhe një humbje fatkeqësisht të paralajmëruar nga ne dhe të organizuar nga Lulzim Basha./ CNA.al