web counter
LEXO PA REKLAMA!

SHKARKO APP

App Store
Google Play

E fundit!

x

Papunësia e “luksit”

2 Korrik 2018, 11:34, Aktualitet CNA

Një nga plagët e mëdha të shoqërisë shqiptare në këto 27 vite tranzicion, ka qënë punësimi, Pra, mungesa e vendeve të punës dhe niveli i lartë i papunësisë, që në shifra zyrtare raportohet rreth 13%, por në fakt palët politike pretendojnë për dyfish e më tepër.

Por, përtej shifrave dhe asaj që mund të quhet mungesa e vendeve të punës ka një tjetër fenomen të hasur kohët e fundit. Ai mund të quhet ?papunësia e luksit? apo papunësi vullnetare që po kthehet në një plagë mjaft të madhe për shoqërinë, si një fenomen që ka shkaktuar dhe do shkaktojë jo pak problem.

Sot po të interesohesh në biznese të ndryshme ka vende pune, por çudia më e madhe është nga refuzimi që u bëhet atyre vendeve të punës apo pretendimet që kanë punë kërkuesit shqiptarë.

Sot, p.sh tek firmat e ndërtimit mund të dëgjosh rëndom se është vështirë të gjenden punëtor krahu, sidomos gjatë sezonit të verës ku ka një fluks lëvizjesh më të mëdha në emigracion, apo të rinj që shkojnë e punojnë në sektorin e turizmit.

Më tej mund të pyesësh në bregdet apo edhe në kryeqytet në lokale të ndryshme, është shumë e vështirë të gjesh kamarierë të saktë. Dikush kërkon një punëtor, një tjetër një kamarier, dikush tjetër një elektricist apo një hidraulik që sa vijnë dhe po pakësohen. E ndërkohë që raportohet papunësi, ajo çështje shihet si një plagë e madhe sociale. Biznesi ka nevojë për krah pune dhe krah pune nuk ka, ose ka pak apo shumë pak.

Emigracioni është njëri shkak, punësimi sezonal jashtë vendit shkon bashkë me të, por përtej këtyre fenomeni i papunësisë së ?luksit?, duke pasur pretendime për vendin e punës apo duke refuzuar gjithçka ke përballë vetëm me justifikimin se duan të punojnë në shtet është një tjetër fenomen i shumë hasur në Shqipëri, që në fakt ashtu si edhe ato të mësipërmet janë thjeshtë dhe vetëm justifikime për të ndenjur pa punë nga shumica e të rinjve, nën çadrën e prindërve, ndihmës qesharake ekonomike apo të ardhura që mund të vijnë nga familjarë në emigracion.

Papunësia e ?luksit? po le në gjumë, pa profesion, në mediokritet dhe paaftësi një pjesë të madhe të të rinjve, që fatkeqësisht i janë nënshtruar dembelizmit dhe “luksit” që kanë me papunësitë e tyre./ CNA.al





Lajmet e fundit nga