web counter
LEXO PA REKLAMA!

SHKARKO APP

App Store
Google Play

E fundit!

x

Basha dështon/ Në PD s’ka riorganizim

2 Korrik 2018, 10:34, Aktualitet CNA

Një vit më parë, Lulzim Basha zgjodhi që të vetëngrinte, të mbante karrigen e kreut të PD-së në një proces manipulativ, më pas vendosi të bënte një pseudoanalizë për humbjen e zgjedhjeve e në përfundim zhvilloi një Kuvend statutor në funksion të riorganizimit të partisë, për që në fakt thjeshtë dhe vetëm hiqte kufizimin për rizgjedhjen e kryetarit të PD-së.

Me një urdhër që mban datën 11 maj 2018, Basha kërkon përfundimin e plotë të zgjedhjeve në bazën e PD-së brenda 30 qershorit. Urdhëri përcakton qartë datat dhe afatet të cilat janë shkelur për çdo strukturë vendore të PD-së, duke filluar që nga seksionet e deri në zgjehdjen e kryetarëve të degëve.

Urdhëri, më shumë se një dokument që ndihmonte bashkimin dhe riorganizimin apo forcimin e mëtejshëm të PD-së, është një shkresë që Basha po e përdor në mënyrë manipulative për të kapur cdo qelizë të organizimit të PD-së.

Në fakt, edhe pse datat dhe urdhërin e ka nxjerrë vetë, edhe këtë nuk ka mundur ta zbatojë, duke krijuar një kolaps tjetër në organizimin e PD-së dhe një shpartallim të dytë të strukturave në bazë.

Lulzim Basha nuk po bën gjë tjetër veçse një çorganizim të organizuar  që synon përfundimisht largimin e shumicës së militantëve dhe mbështetësve të PD-së dhe afrimin drejt tyre të mbështetësve të tij dhe krijimin e partisë personale të Lulit./ CNA.al





Lajmet e fundit nga