web counter
LEXO PA REKLAMA!

SHKARKO APP

App Store
Google Play

E fundit!

x

Imoraliteti i bashkëqeverisjes që kërkon PD-ja

2 Korrik 2018, 11:44, Aktualitet CNA

Po bëhet gati një javë që Partia Demokratike ka dalë zyrtarisht me një qëndrim të ri politik. Kërkon bashkëqeverisje me socialistët.

Një vit më parë, tre muaj në çadër Lulzim Basha kërcënoi me destabilitet, rrëzim të Edi Ramës e në finale përfundoi me bashkëqeverisje për disa muaj me të.

Tani në gati një vit përplasje opozitare, në një aksion politik që është më shumë vazhdim i paktit të 18 majit, i është rikthyer prap tezës së bashkëqeverisjes me Edi Ramën.

Të enjten në parlament, Basha tha se duhet një ?qeveri e bashkimit kombëtar për integrimin?. Të premten në RTSH, Tritan Shehu tha ?na duhet një qeveri me bazë të gjërë?. Të dyja si akte politike janë bashkëqeverisje.

Sot, Edmond Spaho ka thënë thuajse të njëjtën gjë , por në një formë tjetër. Ai ka folur njësoj si Basha tre muaj në çadër. ?Nuk ka zgjedhje të lira me Edi Ramën kryeministër, na duhet qeveri qoftë dhe e majtë pa Ramën.? Një hap midis asaj të Bashës sot dhe asaj që thuhej në çadër dje.

Një imoralitet dhe “perversitet” politik, kjo në një argument të thjeshtë. U tha tre muaj në çadër ?qeveri pa Ramën? dhe u qeveris me Ramën. Në zgjedhje PD mori 230 mijë vota më pak. Në tezën e Spahos, Tritanit dhe Bashës, ?o na merr në qeveri, o ne nuk hymë në zgjedhje?, po i kthehen një “perversiteti” politik. Kush të beson më tani, kur dy vite çirresh, bërtet dhe akuzon e më pas nuk bën asgjë tjetër, veçse qeveris 3-4 muaj me Edi Ramën.

Kështu veproi Lulzim Basha një vit më parë dhe po kërkon të njëjtën gjë një vit më pas. Lulzim Basha nuk bën asgjë tjetër. Nxjerr ndonjë urdhër për riorganizimin e PD-së, gjoja si parapërgatitje për zgjedhjet lokale, por në përfundim synimi i tij i vetëm është të hyjë disa muaj në qeveri me Edi Ramën. Për të kënaqur orekset e sektit të tij që më pas ti shfrytëzojë për të ruajtur karrigen e kryetarit të PD-së./ CNA.al





Lajmet e fundit nga