Prokurori i “përmbytjeve”/ Ervin Karanxha "noton" në varfëri

2 Korrik 2018, 10:27, Aktualitet CNA

Prokurori i “përmbytjeve”/ Ervin Karanxha "noton"

Procesi i Vettingut po mban në ankth gjyqtarë dhe prokurorë. Fillimisht u deklarua se gjyqtarët dhe prokurorët do të kalojnë filtrin në tre aspekte, në atë pasuror, profesional, dhe pastërtisë së figurës.

Por, duket se vëmendje po i kushtohet me tepër aspektit pasuror. Seancat e fundit dëgjimore pranë KPK –së, kanë vërtetuar këtë gjë.

Denoncimet e qytetarëve që kanë mbërritur për gjyqtarë dhe prokurorë nuk janë marrë parasysh dhe në këtë mënyrë po sitet vetëm pasuria.

Në fakt, nëse i referohemi pasurisë, mjafton një vëzhgim dhe shihet kush kalon dhe kush jo, por lënia pas dore e aspektit profesional, çon në mospastrimin e drejtësisë nga të korruptuarit.

Pa paragjykuar asnjë gjyqtar dhe prokuror, CNA.al po vijon publikimin e deklaratave të pasurive, të marra pranë ILDKPI-së.

Raportimi vijon me prokurorin e Tiranës, Ervin Karanxha. Kujtojmë se prokurori Karanxha, nisi hetimet në lidhje me përmbytjen e autostradës Tiranë-Durrës, në të cilën u dëmtuan dhjetëra automjete dhe rrezikuan jetën shumë qytetarë.

Karanxha ka deklaruar, se burim të ardhurash ka pagën e tij dhe të bashkëshortes.

Me kaq të ardhura Karanxha, klasifikohet në grupin e prokurorëve të varfër.

Më tej ai ka deklaruar edhe një kredi të marrë me 19.07.2011, në shumën 5 000 000 lekë. Ndërsa bashkëshortja e tij gjyqtarja Bernina Kondi, rezulton pronare e disa pronave të paluajtshme në Berat.

Deklarata e Pasurisë së prokurorit Ervin Karanxha

Të ardhura nga paga si prokuror në vlerën 1 188 339 lekë

Të ardhura nga paga e bashkëshortes si gjyqtare në Gjykatën Apelit Administrative Tiranë, në vlerën 235 055 lekë.

Të ardhura nga paga si gjyqtare në Gjykatën e Apelit Administrative Tiranë,në vlerën 966 412 lekë.

Kredi bankare, lidhur me datë 19.07.2011, në shumën 5 000 000 lekë, me interes 4 përqind. Çdo muaj paguar kësti prej 27.000 lekësh.

Pasuria e deklaruar në emër të bashkëshortes Bernina Kondi

Truall 330 metër katror, nga kjo 100 m2 ndërtesë. Viti i krijimit 1977. Ndërtuar nga prindërit e bashkëshortes. Rregjistruar në ZRPP Berat. Certifikatë për vërtetim pronësie dt 11.05.2005. pasuri e llojit arë , me sipërfaqe 2400 m2. Ndodhur në Velabisht, Berat, përfituar me ligjin 7501 “PërTokën” . Regjistruar më ZRPP Berat me certifikatë pronësie dt.15.04.2011, pasuri e Ilojit Arë , me sipërfaqe 3850 m2, ndodhur në Velabisht, Berat, përfituar me ligjin 7501.

Pasuri e Ilojit Ullishte me sipërfaqe 275 m2, ndodhur në Velabisht. Berat, përfituar me ligjin 7501. Të gjitha këto pasuri të ndodhura në Velabisht, Berat, për shkak të vdekjes së nënës së bashkëshortes në dt.29.04.2016. si bashkëpronare në këto pasuri, pjesa e saj do të ndahet në tre pjesë bashkëshorti i saj dhe dy fëmijët./CNA.al