E fundit!

13:34 Kosova & Bota

Shkatërrimet nga tërmetet në Venezuelë/ Vendet evropiane ofrojnë ndihmë dhe avionë transporti

Shtetet e Bashkuara të Amerikës, Kinë, Kili dhe vende të t...

Vrasja e paralajmëruar e shoferit të Xhafës/ Kush i manipuloi provat?

1 Korrik 2018, 08:34, Aktualitet CNA

Dje në mëngjes është gjetur i vrarë, shoferi i Ministrit të Brendshëm Fatmir Xhafaj.

Shkëlzen Qordja 31 vjeç i gjet u vrarë me plumb në kokë brenda makinës së ministrit, në garazhin e Gardës së Republikës.

Disa orë pas gjetjes së 31 vjeçarit të vdekur, Policia njoftoi zyrtarisht se kishte dyshime për vetvrasje.

?Nga veprimet e para hetimore rezulton se në mjetin e Gardës u gjet i pajetë, i ulur në sediljen e shoferit, punonjësi SH.Q. Makina ishte e parkuar në garazhin e caktuar për mjetet e Ministrisë së Brendshme, i cili u gjet i mbyllur nga brenda. Nga kqyrja rezultoi se në kokën e viktimës ka plagë tejshpuese të shkaktuar nga armë zjarri, me qitje me drejtim nga e djathta në të majtë. Në vendngjarje u gjetën 3 gëzhoja të qitura nga arma automatike tip ?MP5?, e cila ishte në dorën e djathtë të viktimës, me levën e ndërrimit të llojit të zjarrit, në pozicionin ?qitje breshëri?, thuhet në njoftimin zyrtar të Policisë.

Një ditë më pas ende është e mbuluar nga misteri, ngjarja e rëndë ku shoferi i ministrit të Brendshëm Shkëlzen Qordja u gjet i vdekur me plumb në kokë.

Mirëpo, që në momentin kur ka ndodhur janë hedhur dyshime se kishim të bënim me një vrasje të tipit mafioz.

Media zyrtare e Opozitës, gazeta ?Rilindja Demokratike?, ngriti hije të forta dyshimi, se shoferi i Ministrit, është vrarë.

RD solli dy versione, duke filluar që me mbajtjen e fshehtë të ngjarjes nga Policia dhe manipulimin e provave, për të vijuar më tej me zbardhjen e provave që janë gjetur në vendin e krimit.

Sipas RD ?së, megjithëse krimi kisht ndodhur që në orët e para të mëngjesit, lajmi ishte mbajtur i fshehtë nga policia. Duke iu referuar burimeve nga Garda ?RD?, shkruan, se kemi të bëjmë me një ekzekutim të pastër për nga vendi dhe rrethanat e krimit.

?Kemi të bëjmë me një vrasje tipike mafioze dyshimet e të cilës bien direkt mbi ministrin e Brendshëm dhe lidhjet e trafikut të drogës?, shkruante RD.

Versioni i dytë që hodhi RD, kishte të bënte me provat që u gjetën në vendin e krimit. Sipas RD, në vendin e krimit janë zbuluar 7 plumba në murin e garazhdit dhe një në kokën e shoferit të ministrit.

?Është e qartë se në këto prova të patjetërsushme të dëshmitarëve rrëzojnë versionin e Fatmir Xhafës për vetvrasje të shoferit. Këto prova flasin qartë se kemi pasur të bëjmë me një përleshje të vërtetë dhe ekzekutimi ka ndodhur brenda një institucioni shtetëror. Fatmir Xhafa po manipulon të vërtetën e ekzekutimit?, shkruan RD.

Një tjetër fakt që shton misterin e kësaj ngjarje dhe ngre dyshime mbi versionin e vetvrasjes, është edhe paralajmërimi i mëhershëm i gazetarëve.

Të paktën në dy raste dhe konkretisht në kapjen e drogës së Maminasit dhe sekuestrimin e Toyotës me euro në Portin e Durrësit, gazetarët dhe opozita kanë paralajmërur se dikush do ta pësojë, pasi që të dyja ngjarjet kanë pasur garantues, njerëz të pushtetshëm për t?u futur në Shqipëri./CNA.al