web counter
LEXO PA REKLAMA!

SHKARKO APP

App Store
Google Play

Pasi i vritet shoferi/ Kryeministri merr në mbrojtje Xhafajn

1 Korrik 2018, 10:03, Aktualitet CNA

Një ngjarje e rëndë tronditi ditën e djeshme mbarë opinionin publik, pasi në ambientet e garazhit të Gardës së Republikës u gjet i vrarë me plumb në kokë shoferi i ministrit të Brendshëm Fatmir Xhafaj.

Viktima u identifikua si Shkëlzen Qordja, 31-vjeç.

Pas kësaj ngjarjeje, opozita vërshoi një lum akuzash të cilat shigjetonin direkt ministrin e Brendshëm Fatmir Xhafaj, duke thënë se të riun Qordja e vranë klanet mafioze.

Sot nga Korça, ka reaguar kryeministri Rama dhe teksa i ka shprehur ngushëllimet familjes, ka thënë se opozita ka dhënë një version brutal për vdekjen e Qordjas, që synonte goditjen e ministrit të Brendshëm Fatmir Xhafaj.

?Versioni brutal ndaj djalit që u nda nga jeta, përfshirja e tij në skenarë fantazie makabër për të goditur ministrin e Brendshëm dhe qeverinë nuk ka fjalë për të komunikuar. Është i neveritshëm, i turpshëm, është një tjetër shembull i një vështirësie të jashtëzakonshme, artificiale ku ndodhet hapësira e debatit politik?,- u shpreh Rama.

Ende pa dalë përfundimet e hetimeve Rama ka thënë se i riu Shkëlzen Qordja u vetëvra. Rama ka përmendur dhe disa kushte në të cilat Qordja ndodhej, por nuk i ka zbuluar ato.

?Si mund ti thuash prindërve ta vranë mafiozët djalin, në një kohë kur djali në kushtet që ishte? sepse ai e di si ishte, pasi tani nuk është më, vrau veten?.

Rama hedhë poshtë deklaratat e opozitës dhe del në mbrojtje të  Ministrit të Brendshëm Fatmir Xhafaj.

Nuk dihet se për çfarë po e mbron Rama, Xhafën dhe nga se rrezikohet ministri i Brendshëm Fatmir Xhafaj.

Kujtojmë këtu se ditën e djeshme, pas ngjarjes ministri Xhafaj ka reaguar dhe ka thënë se ndihet i shokuar, ndërsa kashprehur ngushëllimet familjes.

?Jam i shokuar dhe nuk gjej fjalë të ngushëlloj prindërit dhe gjithë familjen e Shkëlzenit për humbjen tragjike të jetës së tij. Kjo ngjarje e rëndë ka shkaktuar një dhimbje të fortë njerëzore për mua dhe për të gjithë ata që punuan dhe e njohën nga afër atë.

U prehsh në paqe, i dashur Shkëlzen!?,- shkruan Xhafaj ndër të tjera. /CNA.al





20:08 Aktualitet

Si vdes demokracia

Mësime të nxjerra nga fuqizimi i liderëve në shtete të dobët...

Lajmet e fundit nga