Skandali me Bibliotekën Kombëtare/ LSI ‘sulmon’ Ramën

1 Korrik 2018, 08:20, Aktualitet CNA

Deputeti i Lëvizjes Socialsite për Integrim, Luan Rama ka ?sulmuar? kryeministrin Edi Rama, pas ngjarjeve të fundit, si përmbytja e Bibliotekës Kombëtare.

Në një postim në rrjetet sociale, Rama shkruan se Kryeministri kërkon të hiqet si patriot duke mbledhur fonde për pagesën e gjobës ndaj Xherdan Shaqirit dhe Granit Xhakës, ndëra ka lënë në harresë Bibliotekën Kombëtare.

Rama e ka konsderuar skandaloze mënyrën e mbledhjes së parave për futbollistët nga ana e Kryeministrit dhe ka shprehur bindjen se Shaqiri dhe Xhaka nuk kanë për ti pranuar paratë.

Sipas Ramës, Kryeministri duhet t?i vinte në ndihmë Bibliotekës Kombëtare, por ai nuk ka për ta bërë, ka theksuar ai sepse nuk i intereson.

Postimi i plotë:

Skandali i rradhës:

Në Tiranë përmbytet Biblioteka Kombëtare, Kryeministri kërkon para për t?u paguar gjobën futbollistëve të Zvicrës!

Eshtë përmbytur Biblioteka Kombëtarë! Sepse, idiotët që po shkatërrojnë Tiranën, të yshtur sa prej injorancës e po aq edhe prej makutërisë e babëzisë, duke prishur bulevardin e trotuaret, kanë shkatërruar edhe kanalizimet, e uji i shirave të ditëve të fundit, vërshoi në mjediset e Bibliotekës Kombëtare, duke përmbytur e shkatërruar mijëra e mijëra libra!
Për të kuptuar dëmin e pariparueshëm, më lejoni t?ju kujtoj se shkrimtari i madh Jorge Luis Borges, ka thënë: ?E kam imagjinuar gjithnjë parajsën si një lloj biblioteke?.
Mirëpo, Kryeministrit tonë, nuk i intereson fare se ç?ndodh me Bibliotekën Kombëtare! Ai e ka hallin gjetiu!

Për t?u shitur si patriot i madh, gjithë merakun e ka se si të mbledhe para, për të paguar gjobën e FIFA-s ndaj dy futbollistëve shqiptarë të përfaqësueses së Zvicrës, Xhakës e Shaqirit, që i festuan golat e tyre ndaj kombëtares së Serbisë duke berë shenjën e shqiponjës!
Natyrisht, me lojën, golat dhe fitoren ata na bënë të gjithëve krenarë, po Kryeministri ynë ç?punë ka që fut hundet atje ku nuk i takon?!

Mbi ç?bazë ligjore, me çfarë tagri e me çfarë statusi Kryeministri e merr një nismë të tillë?!
Xhaka e Shaqiri nuk kanë nevojë për paratë që mendon të mbledhë në mënyrë të kundërligjshme Kryeministri i Shqipërisë. Jo thjeshtë se aq para sa është gjoba që iu ka vënë FIFA e ndoshta edhe më shumë, ata i fitojn? vetëm në një ditë, por Kryeministri me nismën e vet, i fyen rëndë edhe ata!

Ndaj, unë jam i bindur që si Xhaka, edhe Shaqiri do t?i refuzojnë paratë që mund të mbledhë Kryeministri. Sepse, në këtë rast, ai po tallet me Xhaken e Shaqirin, e madje, edhe duke abuzuar me emrin dhe imazhin e tyre, pasi po mblidhen para për ta e në emër të tyre, përveçse në kundërshtim me ligjin shqiptar, por, edhe në kundërshtim me kontratat e futbollistëve dhe ligjet e rregullat e vetë FIFA-s!
Në Bibliotekën Kombëtare, i kanë ndehur e shpërndarë librat gjithë andej që të thahen në diell!
Por, mos prisni që Kryeministri të shqetësohet për librat dhe bibliotekën! Jo, ai po mbledh para për t?u ardhur në ndihm? Xhakës dhe Shaqirit!
Pa librat e biblioteka, spitalet dhe të s?muret, femijët e shkollat, rrugët dhe cilësia e jetës së qytetarëve, kanë kohë dhe le të presin!… /CNA.al