web counter
LEXO PA REKLAMA!

SHKARKO APP

App Store
Google Play

Shkërmoqja e opozitës/ Përçahen Basha-Kryemadhi

1 Korrik 2018, 07:43, Aktualitet CNA

Vendimi i ministrave të Jashtëm të BE për çeljen e negociatave të Shqipërisë në 2019, u konceptua si një dështim i qeverisë nga ana e opozitës.

Ato çka priteshin dhe ishin paralajmëruar, ishin protestat masive kundrejtë qeverisë për ta rrëzuar.

Por një gjë e tillë nuk ndodhi dhe me shumë gjasa aksioni opozitar duket se ka marrë fund, kjo pasi nuk kanë asnjë skenar kundrejt qeverisë.

Kjo u pohua dhe nga vetë kryetarja e LSI-së Monika Kryemadhi, ditën e djeshme në një bashkëbisedim me gazetarët.

Kryemadhi tha se opozita duhet të gjejë një kauzë kundër qeverisë që të rikthejë besimin tek qytetarët.

Basha dhe Kryemadhi duket se kanë rrëzuar skenarët e ish-kryeministrit Sali Berisha, i cili kërkonte revolta dhe trazira për të rrëzuar qeverinë dhe tanimë kanë ngelur pa asnjë kauzë kundër mazhorancës.

Kjo gjë u vu re edhe në seancën plenare të së enjtes, ku PD pas 6 javësh bllokimi foltoreje, iu rikthye debatit me mazhorancën, ndonëse arriti të bindte me kauzën e negociatave, pasi më së shumti ishte ajo pengesa e mos hapjes.

Duhet thënë se ky detaj ka shkaktuar pakënaqësi në radhët e deputetëve dhe militantëve përkatës të këtyre forcave politike.

Rikujtojmë këtu se opozita e bashkuar pas kauzave të ngritura kundër qeverisë, duke filluar nga çështja Tahiri, ku u ngrit dhe një komision hetimor, tek ajo e Xhafajt apo dhe tek disa të tjera, nuk arriti t?i çonte ato deri në fund.





20:08 Aktualitet

Si vdes demokracia

Mësime të nxjerra nga fuqizimi i liderëve në shtete të dobët...

Lajmet e fundit nga