web counter
LEXO PA REKLAMA!

SHKARKO APP

App Store
Google Play

E fundit!

x

Skandalet e qeverisë/ Spaho “nxjerr zbuluar” Ramën

1 Korrik 2018, 10:54, Aktualitet CNA

Nënkryetari i PD, Edmond Spaho, ka akuzuar Edi Ramën se po fsheh vrasjen e shoferit të Ministrit të Brendshëm, Fatmir Xhafajt. Sipas Spahos, ky është skenari i radhës i kësaj qeverie.

Më tej deputeti demokrat ka rreshtuar të gjithë skandalet e Ramës në 5 vite qeverisje.

Spaho përmend kanabizimin e vendit, përfshirjen e Saimir Tahirit në trafikun ndërkombëtar të drogës, dënimi i Agron Xhafajt, vëllait të Ministrit të Brendshëm, për trafik droge, si dhe rastin e 3.4 milion eurove të sekuestruara në portin e Durrësit.

Këto ngjarje Sipas Spahos, kreu i qeverisë i ka quajtur skenarë fantazie por në të vertëtë janë skandale. Për nënkryetarin e PD, mohimi i këtyre të vërtetave na la jashtë Europës.

Deklarata e plotë

Ngjarja tragjike me shoferin e Ministrit të Brendshëm është vrasje mafioze, nuk është skenar fantazie, siç do ta shesë kryeprokurori Edi Rama.

Këto 5 vjet në pushtet Edi Rama ka mohuar çdo skandal që implikon atë dhe qeverinë e tij në krim!

Edi Rama quajti skenar fantazie edhe transportin e  droges me avionë.

Ai tha se kriminelet në Parlament dhe bashki ishin skenarë makabër të opozitës.

Kanabizimin e vendit Edi Rama e quajti njësoj si sot, skenar fantazie makabër.

Përfshirjen e Saimir Tahirit me Audin e tij AA 003 GB në trafikun ndërkombëtar të drogës bashkë me Habilajt, Edi Rama e cilësoi skenar kriminal të opozitës.

Edi Rama mohoi për 5 vjet dënimin e Agron Xhafës, vëllait të Ministrit të Brendshëm, për trafik ndërkombëtar droge.

Tani, po mohon, me të njëjtat fjali, përfshirjen e Taulant Ballës, në pastrimin e parave të drogës me çështjen e 3.4 milionë eurove, të kapura në Toyota Yaris vetëm pasi u denoncuam nga opozita.

Mohimi i këtyre të vërtetave e la Shqipërinë jashtë Europës! Sepse më vend të së vërtetës dhe të Europës, Edi Rama zgjodhi Saimir Tahirin, Fatmir Xhafën, Taulant Ballën, bashkëqeverisjen me krimin dhe drogën, duke tradhëtuar interesat e shqiptarëve.

Me Edi Ramën kryeministër dyert e Europës do të vazhdojnë të jenë të mbyllura edhe Qershorin tjetër.

Edhe për faktin se, për të fshehur një vrasje mafioze, Edi Rama ka marrë publikisht rolin e kryeprokurorit, duke paracaktuar se vrasja mafioze ishte vetëvrasje me 3 plumba.? /CNA.al





Lajmet e fundit nga