web counter
LEXO PA REKLAMA!

SHKARKO APP

App Store
Google Play

E fundit!

x

Miliardat e sekuestruara/ Zgjerohen hetimet, të dyshuar edhe punonjës policie

26 Qershor 2018, 14:31, Aktualitet CNA

Sekuestrimi i pesë miliardë lekëve në Portin e Durrësir ka qenë me pasoja për të paktën dy punonjës të Policisë së Shtetit.

Nxjerrja  e sekretit hetimor është një nga pikar që ka nisur të verifikohet.

Hetimi ka nisur nga Shërbimi i Kontrollit të Brendshëm, duke verifikuar të gjithë rrethin e personave që kanë patur informacionin paraprak.

Mësohet se në hetim administrativ janë edhe dy efektivë të Policisë së Shtetit.

Burime nga organi i akuzës thanë për CNA.al, se deri tani dyshohet se personat që janë arrestuar por edhe dy kushërinjtë Alfred dhe Elvis Vladi,që janë shpallur në kërkim, kanë vetëm rolin e transportuesit, ndërsa të tjerë persona dyshohet se fshihen pas sasisë së parave.

Mësohet se e gjithë vlera e valutës së sekuestruar është dërguar për t?u ruajtur në Bankën e Shqipërisë për llogari të Prokurorisë së Përgjithshme, ndërsa disa prej kartmonedhave u është bërë edhe ekspertiza për të evidentuar gjurmët e gishtave, për të parë, nëse në ndonjërën prej tyre ndodhen gjurmët e të arrestuarve.

Gjithashtu për ekspertim janë dërguar edhe radiot e policisë dhe arma e gjetur në shtëpinë e shoferit 61 vjeçar. Deri tani të arrestuarit mësohet se kanë mbajtur qëndrim mohues, duke mos pranuar të kenë patur dijeni për sasitë e parave që ndodheshin në dy automjetet.

Alban Mollaymeri ka pohuar, se ishte kontaktuar nga Alfred Vladi për të blerë disa automjete për kompaninë e tij, e cila nga verifikimet rezulton e e hapur në maj të këtij viti.

Hetimet janë përqëndruar edhe tek dy personat, të cilët janë shpallur në kërkim. Burime nga grupi hetimor pohojnë se kanë nisur verifikimet në lidhje me aktivitetin e tyre, ndërsa dyshohet se ata janë larguar nga Shqipëria menjëherë sapo kanë mësuar se janë zbuluar./CNA.al





Lajmet e fundit nga