web counter
LEXO PA REKLAMA!

SHKARKO APP

App Store
Google Play

E fundit!

x

Skandali në Bibliotekën Kombëtare/ Reagon Asllani: Punojmë jashtë çdo standardi

26 Qershor 2018, 13:23, Aktualitet CNA

Drejtoresha e Bibliotekës Kombëtare, Persida Asllani ka reaguar në lidhje me skandalin e përmbytjes.

Në një deklaratë për mediat, Asllani tha se janë tharë rreth  75 % e materialeve, ndërsa theksoi se nuk janë prekur fondet e vlerave të rralla.

“Numri i njësive të prekura nga lagëshitra është 12 mijë. 75% janë tharë, po punohet për pjesën e mbetur. Natyra e teksteve të lagura është e 15 viteve të fundit, libra shkollorë, letërsi, të cilat për shkak të mungesave të hapësirë nuk kanë mundur të ruhen sipas standardeve. Puna që po kryhet bazohet te udhëzuesit profesional botëror. Punohet me shpejtësi, ka një sasi pune të konsiderueshme. Merren masa për vendosjen e materiale në një mjedis të thatë, me aspirim, kemi hapur dritaret dhe kemi përdorur ventilator apo edhe tharëse flokësh.”-tha Asllani.

Ndër të tjera ajo ka ngritur zërin edhe për kushtet e punës në Bibliotekën Kombëtare,  për të cilat tha se janë jashtë çdo standardi.  ?Punojmë në rrethana dhe kushte tepër të vështira. Niveli i ujit, me sy të lirë, ishte deri në 2,3 cm?-u shpreh Asllani.

Po ashtu ajo tha se tharja e materialeve është bërë pa i dëmtuar ato, ndërsa i ka bërë thirrje Këshillit Bashkiak të Tiranës të marrë masa për mbrojtjen e trashëgimisë kulturore./ CNA.al





Lajmet e fundit nga