web counter
LEXO PA REKLAMA!

SHKARKO APP

App Store
Google Play

Misteri i pesë miliard lekëve të sekuestruara/ Krimet e Rënda i marrin dosjen Ornela Rrumbullakut

26 Qershor 2018, 14:17, Aktualitet CNA

5 miliardë lekë të vendosura  në dy Toyota janë sekuestruar dy ditë më parë në Portin e Durrësit. Fillimisht çështja u regjistrua në Prokurorinë e Rrethit Gjyqësor Durrës. Ishte prokurorja Ornela Rrumbullaku që kreu veprimet hetimore, pas numërimit të sasisë të eurove të sekustruara.

Por, duket se çështja ka marrë një rrjedhë tjetër dhe në lojë ka hyrë Prokuroria për Krime të Rënda.

Mësohet se dosja hetimore do ti kalojë Prokurorisë Krimeve të Rënda duke u shtuar të akuzuarve edhe akuzën e grupit të strukturuar kriminal.

Prokurori, Blerim Tominaj do të marrë përsipër të zbardh misterin e 5 miliardë lekëve  të bllokuara në Portin e Durrësit.

Deri tani të katër të arrestuarit e kanë mohuar të kenë patur dijeni për sasinë e parave të gjetura në dy automjetete ndërsa vijojnë kërkimet për dy kushërinjtë Alfred dhe Elvis Vladi.

Katër personat e arrestuar për sasinë e pesë miliardë lekëve, që u bllokuan mesditën e së dielës në portin e Durrësit pritet të dalin në gjykatën e këtij rrethi për t?u vlerësuar me masën e sigurisë.

Ndërkohë vijojnë hetimet për identifikimin e personave të tjerë të përfshirë në këtë ngjarje./CNA.al

 

 





Lajmet e fundit nga