web counter
LEXO PA REKLAMA!

SHKARKO APP

App Store
Google Play

E fundit!

x

600 mijë refugjatë sirianë në Shqipëri?/ Këshilltari i Metës lëshon “bombën”

23 Qershor 2018, 17:23, Aktualitet CNA

Këshilltari i Presidentit për Sigurinë Kombëtare, Ilir Kulla ka folur sot në lidhje me mundësinë e ngritjes së kampeve për refugjatët sirianë në Shqipëri.

I ftuar në studion e emisionit ?Kjo Javë? në News 24, Kulla tha se vendi ynë nuk është i përgatitur të përballojë një krizë migratore.

Sipas tij, jo 600 mijë refugjatë, por as 200 dhe as gjashtë të tillë nuk mund të mbajë Shqipëria. Ai shpreh habinë se si politikanët dhe zyrtarët shqiptarë nuk mund ta argumentojnë një gjë të tillë para ndërkombëtarëve në një kohë kur vende me ekonomi më të fuqishme se ne, e kanë thënë tashëm fjalën e tyre. Kulla shkon deri aty sa thotë se Shqipëria kapitullon për dy javë nëse pranon të marrë kaq shumë refugjatë.

?Zyrtarët shqiptarë nuk duhet të kenë aspak turp të thonë ne nuk kemi mundësi. Po ju them ne nuk jemi të përgatitur për një krizë refugjatësh. Ka një amulli të madhe në lidhje me këtë çështje, por politikanët shqiptarë duhet të marrin përgjegjësi, të dalin e të thonë se nuk kemi mundësi të pranojmë jo për 600 por as për 6 refugjatë?,- tha Kulla./ CNA.al





Lajmet e fundit nga