Kryegjyqtari në “rrjetën” e Vettingut/ Kursimet kesh i dërgon në Amerikë

22 Qershor 2018, 08:51, Aktualitet CNA

Procesi i Vettingut nga njëra anë shihet së rreze shprese për drejtësinë, dhe nga ana tjetër, duket një farsë.

Madje farsa shkon deri në atë pikë, saqë shkatërrohen pritshmëritë e e vetë njerëzve të sistemit të drejtësisë.

Politika vendos kryqin dhe më pas komisioni i Vettingut shkarkon.

Kjo praktikë duket se është zbatuar deri më tani. Vendimet të dy-standartizuara janë firmosur nga Komisioni i Vettingut.

Thënë ndryshe, janë rikonfirmuar në detyrë gjyqtarë apo prokurorë që kanë patur probleme me pasurinë, ndërkohë për të njëjtat probleme të tjerë janë shkarkuar.

Komisoni i Vettingut nuk po bën as më pak dhe as më shumë se sa CNA.al, në lidhje me filtrimin e pasurisë apo me aspektin profesional të gjytarëve dhe prokurorëve. Ndryshimi është se CNA.al informon publikun në mënyrë korrekte dhe profesionale, ndërsa komisioni i Vettingut është i njëanshën.

Në fokusin mediatik këtë radhë do të jetë kryetari i Gjykatës së Beratit Agron Vavla.

Ai ka deklaruar pranë ILDKPKI-së, si burim të ardhurash, pagën e tij dhe të ardhurat nga interesat, për çdo gjashtë muaj, të blerjes së obligacioneve me afat 36 muaj.

Ai mban kursime cash në shtëpi, për llogari të djalit që studion në Amerikë, për të cilat thotë se ia ka dhënë në formë dhurate.

Është fat të jesh djali i një gjyqtari në Shqipëri, nuk të mungojnë dhuratat.

Bashkëshortja, e cila ka mbyllur në vitin 2017, biznesin që kishte hapur në vitin 2016, rezulton me borxhe.

Ajo ka marrë 30 mijë euro borxh në vitin 2008, me një afat dhjetëvjeçar.

Pasuria e deklaruar nga kryegjyqtari Agron Vavla

Llogari rrjedhëse, pakësuar shuma 60,204.67 lekë, deri në datën 31.12.2017. Gjendja në bankë në këtë datë është 84,058.44 lekë.

Gjendja në CASH (arka në shtëpi) në euro, pakësuar në shumën 3000 Euro, pasi i ka marrë Endri Vavla, djali, për studime në USA, si pasuri të tij. Gjendja në datë 31.12.2017 është 0 euro.

Gjendja në CASH (arka në shtëpi) në lekë, pakësuar në shumën 280,000 lekë, pasi i ka marrë Endri Vavla, djali, për studime në USA, si dhuratë nga prindërit.

Gjendja në CASH (arka në shtëpi) në lekë, shtuar në shumën 400,000 lekë. Gjendja në datë 31.12.2017 është 400,000 leke. Burimi i krijimit nga të ardhurat vjetore të familjes për vitin 2017.

Në cilësinë e kryetarit të gjykatës së rrethit gjyqësor Berat. Të ardhurat neto nga paga në shumën 1,389,668 leke + dietat në shumën 45,000 lekë, për vitin 2017. Në total shuma 1,434,668 leke.

Të ardhurat nga interesat, për çdo gjashtë muaj, të blerjes së obligacioneve me afat 36 muaj, duke filluar nga data 06.07.2015, ndodhur në llogarinë rrjedhëse me numër 0100606251-ALL. Për vitin 2017 interesat e fituara janë 101,388 lekë.

Të ardhurat nga biznesi, si person fizik të bashkëshortes Fjorentina Vavla, për vitin 2017 është në vlerën 0 lekë, pasi biznesi ka kaluar në statusin pasiv, në muajin Janar 2017.

Kontratë huadhënie, lëshuar nga noter Luan Isufaj në Berat. Huamarrës bashkëshortja, në shumën 30,000 euro, interesat 2% në vit, me afat 10 vjet. Fillon në datën 02.09.2008 dhe përfundon në datën 01.09.2018. Shlyer gjatë vitit 2017 shuma 3,600 euro. Burimi : Të ardhurat familjare për vitin 2017.

Pasuria në emër të djalit Endri Vavla

Gjendja në CASH (arka në Shqipëri), pakësuar 3000 euro, e konvertuar në dollarë, ne $3,500 Burimi : 3000 (tre mije) euro = 414,000 lekë nga shitja e automjetit me targë AA022JG, sipas kontratës së shitjes nr.1672 rep., nr.818/2 kol, datë 05.08.2016.

Gjendja në CASH (arka në Shqipëri), shtuar në 540,000 lekë e konvertuar në dollarë, në $ 4,500. Burimi: Dhuratë nga prindërit, në shumën 280,000 lekë dhe familjarët në shumën 260,000 leke, e konvertuar $ 4,500, pasi shkova për studime në USA. Jam në vazhdim. 540,000 lekë : 120 lekë/dollar = $4,500.

Shtuar gjendja e llogarisë rrjedhëse në USA, ne $5.59. Gjendje në datë 31.12.2017. Burimi: Llogari rrjedhëse në Bank of Amerika, USA.

Shtuar gjendja në CASH, arka në shtëpi në USA, në shumën $ 3,500.57. Gjenda e arkës në shtëpi në datë 31.1’2.2017. Burimi : Fituar nga puna në USA.

Të ardhura nga transfertat ne USA, nga tërhegja e gjendjes së arkës në Shqipëri në shumën $3,500.

Të ardhura nga transfertat në USA, nga tërheqja e gjendjes së arkës në Shqipëri, në shumën $ 4,500.

Të ardhura nga punësimi në USA, në shumën $11.814.47 Burimi: Sipas llogarisë rriedhëse në Bank of Amerika, USA.

Të ardhurat nga punësimi online në USA, në shumën $1.500 dollarë. Burimi : Punësimi online në Ëebsitet, në shumën $ 11,814.47

Detyrimet financiare ndaj z. Luan Buba, për transfertat e kryera, për studimet në USA të Endri Vavla, në shumën $34,965. Financimi i dhënë është me 0 interes dhe do të fillojë të shlyhet pas përfundimit të studimeve dhe fillimit të punës. Gjendja e detyrimit e mbetur e pashlyer është $ 34,965 lekë.

Detyrimet financiare ndaj z. Shahid Rahman, shtetas amerikan, për transfertën e kryer, për studimet në USA të Endri Vavla, në shumën $23,242.14. Financimi i dhënë është me 0 interes dhe do të fillojë të shlyhet pas përfundimit të studimeve dhe fillimit të punës. Detyrimi i pashlyer në shumën $23,241.14.

Të ardhurat e realizuara nga fillimi i studimeve deri në datën 31.12.2017 janë në shumën $79,520.61./CNA.al