web counter
LEXO PA REKLAMA!

SHKARKO APP

App Store
Google Play

E fundit!

x

Aksioni që vuri në rrezik policinë/ Kush i zbuloi grabitësit e kasafortave

21 Qershor 2018, 20:05, Aktualitet CNA

Ai nuk ka qenë një grup grabitësish amatorë, por profesionist dhe me rrezikshmëri të lartë. Zbulimi dhe më pas prangosja e pjesëtarëve të këtij grupi të “mirëstrukturuar”, të akuzuar për vjedhjen e të paktën njëmbëdhjetë kasafortave të ndodhura në ambiente biznesesh dhe vilash në kryeqytet, nuk ka qenë i rastësishëm…

E qenë prezente në emisionin ?Intervista e Ditës?, gazetarja e kronikës në News24, Dorjana Bezati, ka zbuluar detaje të rëndësishme nga aksioni i policisë, për zbulimin dhe kapjen e pjesëtarëve të grupit të grabitësve të kasafortave. Megjithse kishin më shumë se pesë muaj që i ndiqeshin pesë pjesëtarët e tij u arrit të zbuloheshin fare rastësisht.

Sipas gazetares Bezati njeriu që krijojë dyshimet e para ishte një agjent policie. Dyshimet e tij morën jetë kur ai vuri re dorezat e bardha që ata përdornin në çdo vjedhje.

Megjithatë gazetarja tha se arrestimi i tyre nuk ka qenë aspak i lehtë, dhe kjo jo vetëm sepse ata ishin të armatosur, por sepse nuk ngurronin ti përdornin ato edhe kundër agjentëve të policisë.

Gazetarja e ka cilësuar grupin e grabitësve të kasafortave si një nga më të rrezikshmit që vepronin në kryeqytet. Ata dyshohet se janë autorë të rreth dyzetë vjedhjeve dhe disponojnë miliona euro.

Porfesionalizmi ka qenë arma më e fortë, që i bëri ata të pakapshëm, ka thene gazetarja Bezati, duke shpjeguar se grabitësit e studionin objektin që do sulmonin. Sulmi ndërmerrej jo në të njëjtën mënyrë dhe përherë gjatë orëve të mbrëmjes. Kujdes maksimal ata i kushtonin pastrimit të gjurmëve në vendin e ngjarjes, ka sqaruar Bezati.





Lajmet e fundit nga