web counter
LEXO PA REKLAMA!

SHKARKO APP

App Store
Google Play

E fundit!

x

Dokument-Marrëveshja për patentat me Greqinë/ Zbardhen detajet

22 Qershor 2018, 08:41, Aktualitet CNA

Më 11 maj, është firmosur në Greqi marrëveshja për njohjen e ndërsjellë të patentave.

Marrëveshja u firmos nga ministri i Jashtëm Ditmir Bushati dhe homologu i tij Nikos Kotzias.

Marrëveshja parashikon që qytetarët shqiptarë të cilët kanë leje drejtimi shqiptare nuk do të kenë nevojë të rifillojnë procedurat e kualifikimit dhe të provës, për marrjen e lejes së drejtimit greke, e cila ka edhe një impakt financiar nga 700 deri në 1000 Euro, për çdo leje drejtimi të marrë në Greqi.

Qytetarët do të dorëzojnë lejen e drejtimit të marrë në Shqipëri, dhe do të marrin atë greke duke u krijuar mundësi, të qarkullojnë ose të punësohen si drejtues mjeti në Greqi, me të drejta të barabarta me shtetasit grekë.

CNA.al, ka siguruar një kopje të marrëveshjes, ku sqarohet mënyra se si shkëmbehen lejet e drejtimit, vlefshmëria e tyre dhe të tjera.

Detajet e marrëveshjes

Çdo palë kontraktuese duhet të shkëmbejë licenca drejtimi të vlefshme (veç asaj të përkohshmes, provës dhe tipe të ngjashme të lejeve të drejtimit) të lëshuara nga pala tjetër kontraktuese në pajtueshmëri me legjislacionin kombëtar. Pala kontraktuese duhet të njohë gjithashtu licencat e drejtimit kombëtar të lëshuara nga pala tjetër kontraktuese brenda periudhës së tyre të vlefshmërisë, përveç nëse dispozitat e paragrafit të parë të këtij neni janë plotësuar.

Lejet e drejtimit e lëshuar nga autoritetet kompetente të secilës palë kontraktuese duhet të jenë të vlefshme për të udhëtuar në territorin e palës tjetër kontraktuese që nga data mbi të cilën mbajtësi i patentës t’i jepet qëndrimi normal ne palën tjetër kontraktuese.

Nëse mbajtësit të një patente të lëshuar nga autoritetet kompetente të secilës palë kontraktuese i është dhënë qëndrimi normal në territorin e palës tjetër kontraktuese, autoritetet kompetente të asaj pale kontraktuese duhet të shkëmbejnë patentën pa kërkuar marrjen e testeve teorike dhe praktike.

Autoritetet kompetente të palës kontraktuese që bëjnë shkëmbimin duhet të kërkojnë një certifikatë mjekësore, ku vërteton se personi është i përshtatshëm mendërisht për ngarjen e një automjeti ose makina të tjera sipas kategorisë specifike.

Në momentin e shkëmbimit të patentës, patentat ekuivalente të palëve kontraktuese duhet të njihen në bazat e tabelave teknike të ekuivalencës e bashkangjitur me marrëveshjen prezente. Këto tabela së bashku me listën e mostrave të patentave duhet të formojnë anekse teknike. Ndryshimet në këto anekse mund të bien dakort me shkrim mes autoriteteve kompetente të palëve kontraktuese.

Gjatë procedurës të shkëmbimit të patentës , autoritetet kompetente të palëve kontraktuese duhet të tërheqin licencat që duhet të shkëmbehen dhe duhet t’i rikthejnë ato në autoritetet kompetente të palës tjetër kontraktuese së bashku me një listë të këtyre licencave.

Autoritetet kompetente të secilës palë kontraktuese gjithashtu mund të kërkojë nga autoritetet kompetente të palës tjetër kontraktuese  që të ofrojnë informacion në lidhje me vlefshmërinë e patentës dhe të dhënave që përmban./CNA.al

 





Lajmet e fundit nga