web counter
LEXO PA REKLAMA!

SHKARKO APP

App Store
Google Play

E fundit!

x

Përplasja e urbanëve në Tiranë/ Policia zbardh detajet

22 Qershor 2018, 07:30, Aktualitet CNA

Një aksident është regjistruar mëngjesin e sotëm mes dy urbanëve në kryeqytet, tek vendi i quajtur kthesa e Kamzës.

Në aksident janë përfshirë autobuzi i Institutit dhe ai i Kamzës.

Policia ka bërë me dije se nga përplasja kanë mbetur të plagosur 6 shtetas.

Në vendngjarje ka shkuar ambulanca për tu ardhur në ndihmë pasagjerëve të plagosur gjithashtu dhe policia e cila po punon për zbardhjen e plotë të rrethanave.

Informacion Paraprak

Më datë 22.06.2018, rreth orës 08:10, tek kthesa e Kamzës janë përplasur dy autobuza të linjës ?Tiranë ? Kamëz? me targë AA628 GC, me drejtues shtetasin K. A., 43 vjeç dhe me targë AA 958 LN, me drejtues shtetasin S. R., 40 vjeç.

Si pasojë e përplasjes janë dëmtuar lehtë dhe janë dërguar për ndihmë mjekësore në SQU shtetasit, A. P., 22 vjeçe, S. R., 43 vjeç, V. H., 23 vjeç, S. K., 53 vjeç, K. G., 19 vjeçe dhe E. L., 22 vjeçe ( të gjithë pasagjer në dy autobusat e linjës ?Kamëz-Tiranë ).

Shërbimet e policisë dhe drejtuesit e autobusave ndodhen në vendngjarje, po kryhen veprimet e mëtejshme hetimore për zbardhjen e shkakut dhe rrethanave të përplasjes.

Nuk është hera e parë që autobuzët bëjnë gara për të marrë secili i pari pasagjerët e stacionit tjetër, dhe në këtë rast janë qytetarët ata që u rrezikohet jeta. /CNA.al





Lajmet e fundit nga