web counter
LEXO PA REKLAMA!

SHKARKO APP

App Store
Google Play

E fundit!

x

Skenari i PD me audio-përgjimin/ Forcohen pozitat e “Babales”

20 Qershor 2018, 13:31, Aktualitet CNA

Albert Veliu, apo i ashtuquajturi ?Dëshmitari X?, në audio-përgjimin e publikuar pak kohë më parë nga PD, për të cilin u pretendua se Agron Xhafaj, vëllai i ministrit të Brendshëm Fatmir Xhafaj, shfaqet duke bërë pazare droge, pritet të marrë azil politik në Kosovë.

Burime konfidenciale bënë të ditur për CNA.al se i ashtuquajturi ?Babale?, Albert Veliu  pritet të fitojë azilin politik në shtetin e Kosovës.

Mësohet se kërkesa për azil nga dëshmitari kyç i audio-përgjimit që do të rrëzonte një nga ministrat më të fortë të qeverisë Rama, është duke u shqyrtuar në imtësi.

Edhe pse çështja e sigurisë së tij është ekskluzivitet i këtij institucioni, në Kosovë s’kanë munguar as incidentet që duket se e kanë përforcuar pretendimin e ?Babales?, i cili ka theksuar se nëse kthehet në Shqipëri i rrezikohet jeta.

Tentativat për tju afruar nga mjete të dyshimta rreth zonës së azilantëve ku ai mbahet në kushte ekstreme kontrolli si dhe shantazhet për riatdhesimin e tij nga zyrtarë të lartë të policisë shqiptare, kanë bërë që autoritetet kosovare ta mendojnë dy herë.

Një gjë është fakt, ?Babalja?, njeriu i cili pretendohet se u përdor për të futur në kurth Agron Xhafajn e ka pranuar se audio-përgjimi është inskenim dhe se ky veprim i përdorur politikisht sipas tij nga opozita shqiptare i ka vënë në rrezik jetën.

Edhe pse Ministria e Brendshme e Kosovës nuk ka vendosur ende për kërkesën e dëshmitarit kryesorë të çështjes me të nxehtë të momentit, pozitat e tij për të përfituar azil në shtetin fqinj janë forcuar./ CNA.al





Lajmet e fundit nga