web counter
LEXO PA REKLAMA!

SHKARKO APP

E fundit!

x

Policia përfshihet në skandal/ Zbulohet oficeri që dekonspironte operacionet

17 Qershor 2018, 07:44, Aktualitet CNA

Gjykata e Tiranës ka dënuar me 1 vit e 20 ditë burg ish policin e forcave shqiponja Engrit Hënaj, nën akuzën e shpërdorimit të detyrës.

Ai dekonspironte operacionet e policisë duke lajmëruar hajdutët dhe duke i dhënë informacion.

Në vendimin e datës 8.5.2018 të Gjykatës së Tiranës, thuhet se nga veprimet hetimore të deritanishme, si dhe nga studimi i akteve të transkripteve të përgjimeve telefonike dhe procesverbali i këqyrjes së telefonit datë 24.08.2017, rezulton se shtetasi Engrid Hënaj, punonjës policie pranë DV Policisë Tiranë, është i implikuar në veprime të kundërligjshme gjatë komunikimit me shtetasin Fatjon Lila, sikurse raporton “SOT”.

Kjo ka ndodhur gjatë kohës kur ky i fundit i fshihej ekzekutimit të vendimit penal për masën e sigurimit ?arrest në burg?, pasi akuzohej për vjedhje.

Dyshohet se Hënaj i jepte të dhëna rreth çështjes që procedohej nga Prokuroria Kavajë dhe kërkimeve policore që bëheshin ndaj tij.

Engrit Hënaj u vu në pranga nga Shërbimi i Çështjeve të Brendshme dhe Ankesave pasi rezultoi se dekonspironte operacionet policore dhe u dënua dhe me heqjen e funksioneve publike për 5 vite.





Lajmet e fundit nga