web counter
LEXO PA REKLAMA!

SHKARKO APP

App Store
Google Play

E fundit!

x

Shifra alarmante të viktimave/ Bilanc tragjik i çeljes së sezonit turistik

16 Qershor 2018, 20:00, Aktualitet CNA

Vetëm 10 ditë nga çelja e sezonit turistik 2018 në brigjet shqiptare janë regjistruar viktimat e para.

Sikurse bëjnë të ditur burimet zyrtare, ata janë të moshave të ndryshme, nga 8 deri në 71 vjeç.

Ky I fundit humbi jetën ditën e sotme, ndërkohë që viktimat e tjera janë si më poshtë:

Në Gjirin e Lalzit ka humbur jetën E.S, 22 vjeç, banues në Tiranë.

Në Currila, Durrës ka humbur jetën shtetasi E.L, 20 vjeç, banues në Durrës.

Në Velipojë ka humbur jetën shtetasi Qamil Bajrami, 71 vjeç, banues në Prishtinë, ndërsa ditë më parë një fëmijë 8 vjeç në Kavajë është mbytur në pishina.

Pushuesit të cilët kanë qenë prezent për secilën ngjarje kanë ngritur problemin e mos vëzhgimit të hapsirës detare nga roja bregdetare.

Ndonëse këtij problemi qytetarët i kanë dhënë zë, Ministria e Brendshme dhe pushteti lokal ende nuk kanë marrë masa për shmangien e tragjedive.

Për më tepër vëzhgimi I hapsirës detare është një detyrim ligjor dhe jo një dëshirë e subjekteve private dhe pushtetit lokal.

Jo më larg se një muaj më parë qeveria nxori një memo nëpërmjet të cilës i detyron të gjithë privatët të ngrenë gupet e shpëtimit, që do të thotë se deri më sot këto grupe duhet të ishin  bërë aktive.

Siç duket kjo nuk ka ndodhur ndaj dhe bilanci i viktimave është tragjik në kaq pak ditë. /CNA.al





Lajmet e fundit nga