web counter
LEXO PA REKLAMA!

SHKARKO APP

App Store
Google Play

E fundit!

x

E gjithë garda e angazhuar për vizitën e Ramës në Dibër/ Qen dhe aparatura antiminë në dispozicion

17 Qershor 2018, 15:23, Aktualitet CNA

Kryeministri Edi Rama ka zhvilluar një vizitë dyditore në Qarkun e Dibrës, vizitë kjo që ka shkakutar një sërë reagimesh, ku veç të tjerave, kreu i qeverisë u prit edhe me protesta.

Në vazhdën e reagimeve, vjen edhe ai i nënkryetarit të Partisë Demokratike Edi Paloka i cili thotë se e gjithë garda është angazhuar këto ditë për të kontrolluar rrugën nga Tirana në Peshkopi me qen dhe aparatura antiminë.

Sipas tij, një numër i madh ushtarësh e civilësh kanë qëndruar roje gjithë natën e gjatë gjithë rrugës që do bënte kryeministri. ?Por sërish Rama shkoi me helikopter në Klos?, thotë Paloka, ndërkohë që shton se qytetarët nuk u lejuan në takimin me popullin edhe pse i kishte thirrur vetë kryeministri.

Reagimi i Edi Palokës

Kur kryeministri e di që populli i tij ?e do shumë?
Pothuajse e gjithë garda është angazhuar këto ditë duke kontrolluar pëllëmbë për pëllëmbë gjithë rrugën nga Tirana në Peshkopi.
Nuk kanë lënë shkurre e ferrë pa kontrolluar. Nuk kanë lënë vrimë në rrugë e anash saj pa i hyrë brenda. Me qen e aparatura antiminë.
Me ushtarë e civilë që kanë qëndruar roje gjithë natën e gjatë gjithë rrugës që do duhej të bënte sot Edvini për të shkuar në Klos e pastaj në Peshkopi.
E në fund, pas gjithë këtyre peripecive, Rama shkoi në Klos?me helikopter?
Shkoi të zhvillonte takim me popullin, pasi ishte siguruar që policët që kishin ngritur gardhe njeri pas tjetrit, të mos lejonin që populli të shkonte në takimin e Ramës me popullin. E të mendosh që i kishte ftuar vetë në fb.
Po kështu është kur e di se sa të duan, paranoja bën të vetën. /CNA.al





Lajmet e fundit nga