web counter
LEXO PA REKLAMA!

SHKARKO APP

App Store
Google Play

Paralajmëron Sonila Meço/ Si mund ta shfrytëzojë qeveria Botërorin

17 Qershor 2018, 14:35, Aktualitet CNA

Gazetarja e njohur Sonila Meço, me anë të një postimi në rrjetet sociale ka tërhequr vëmendjen e publikut dhe jo vetëm që të kenë kujdes nga hapat që mund të marrë qeveria, duke paralajmëruar veprime të fshehta nga kjo e fundit.

Sipas saj, në raste të tilla kur vëmendja e publikut është e përqendruar diku tjetër, qeveri mund të bëjë lëvizje të ndryshme ai në aspektin e trashëgimive kulturore, ku mund të përmendim Teatrin Kombëtar, i cili kërkohet të shembet, ashtu edhe në leje të tjera kullash.

“Vigjilencë maksimale, se PPP-të nuk shohin Botëror, madje funksionojnë me intensitet më të lartë kur gjindja nuk e ka mendjen.
Të bëjmë apelin e objekteve kategori trashëgimi kulturore, para e pas çdo ndeshjeje.
Të bëjmë apelin e pronave publike, para e pas çdo 90 minutëshi.
Dhe mbi të gjitha kujdes me memorien, që deri në finale mos jetë ngritur ndonjë kullë e re dhe të na ngjajë si ekzistente.

Por sidomos kujdes me publicitetin para, përgjatë e pas ndeshjeve se mirë që mund të mbetemi pa trashëgimi kulturore, prona publike e të shushatur ndanë kullave, po mund të mos kemi shans as të bëjmë xhiro në shkallët lëvizëse se i kemi lënë të tëra nëpër baste.

Kujdes! Virusi është i egër dhe godet kur nuk e ke mendjen…por kujdeset të të zërë me lezet edhe kur e ke. Në Botëror mandej është në habitatin e vet natyral, mes dalldisë kolektive. Kujdes!!!!”, – shkruan Sonila Meço.  /CNA.al





Lajmet e fundit nga