E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Ndërtimi i Rrugës së Arbrit/ Në Dibër festojnë ende pa filluar punimet

17 Qershor 2018, 10:40, Aktualitet CNA

Me flamuj, tambure dhe muzikë. Kështu ka nisur dita në qyteti verilindor Peshkopisë, ku prej dy ditësh është zhvendosur edhe Kryeministri Rama sëbashku me stafin e tij.

Kreu i ekzekutivit ka zbarkuar në Dibër me sebepin e hapjes e punimeve për Rrugën e Arbërit.

Para qytetarëve, Rama tha se ndërtimi i Rrugës së Arbërit është një zotim mes shqiptarëve.

Ndërtimi i kësaj rruge pritet të shkurtojë distancat e transportit që lidhin kryeqytetin shqiptar dhe portin e Durrësit me Dibrën, Shkupin dhe trevat e tjera në Maqedoni.

Por, kur ende asgjë nuk ka nisur, dhe gjithçka është në kuadër të deklaratave, festimet kanë nisur.

Nëse do të bazoheshim në deklarata e kryeministrit ndër vite, ky segment rrugor tashmë duhej të kishte përfunduar dhe sot duhej të ishte festuar mbarimi i punimeve.

Risjellim në vëmendje disa nga deklaratat e kryeministrit Rama, ndër vite, në lidhje me ndërtimin e Rrugës së Arbrit.

Më 30 dhjetor të vitit 2016, Rama deklaronte se do të ishte ai si kryeministër që do të përfundojë rrugën e Arbrit.

?Nga do që të shkojmë viti i ardhshëm do të jetë viti i fillimit të punës, gjysma e parë e vitit të ardhshëm, shpresoj shumë?, ka thënë Rama, duke patur parasysh vitin 2017.

Mirëpo as këtë vit punimet nuk nisën dhe Rama sërish nuk mungoi me deklarata.

?Pas 25 vjetësh premtime boshe e zhgënjime pas çdo votimi, viti 2017 është viti i nisjes së punës për këtë aks, që e bën Dibrën fqinje të afërt të Tiranës dhe do t?i japë hov zhvillimit ekonomik?, ka shkruajtur Rama në 12 prill të 2017 ?s, në rrjetet sociale.

Sërish rreth një muaj më vonë, në maj të 2017 ?së, Rama ka njoftuar se në gusht do të mbyllej kontrata, në shtator do të niste puna.

Të njëjtat fjalë që Rama tha sot në Peshkopi , i ka thënë edhe më 14 qershor 2017, po në të njëjtin qytet.

?Rruga e Arbrit që është një zotim solemn i yni do të nisë nga puna me të përfunduar kontrata, procedura është drejt përfundimit dhe brenda shtatorit ne do të fillojmë punën?, ka thënë Rama në vitin 2017, gjë të cilën e përsëriti edhe sot.

Po për të njëjtin segment rrugor, Rama është deklaruar edhe më 30 tetor 2017. Sipas tij, Ministria kishte nisur negociatat për termat e kontratës me kompaninë që rezultoi fituese në garë.

?Ne jemi shpresplotë që në harkun e 30-45 ditëve maksimumi kontrata do të finalizohet dhe puna për rrugën e Arbërit do të fillojë për të mos u ndalur më deri në përfundimin e këtij aksi të rëndësishëm?, ka thënë Rama.

Deklarata e më e fundit, para të sotmes është ajo e 9 qershorit 2018, ku Rama njoftoi se së shpejti do të niste puna për një sërë veprash të reja infrastrukturore siç është Rruga e Arbrit shkurton distancën mes Tiranës dhe Bllatës në vetëm 74 km.

Ka edhe plot deklarata të tjera të Kryeministrit në këto dy vite për ndërtimin e Rrugës e Arbrit, por shpresojmë që kjo sotmja, të bëhet vërtet realitet dhe festa të mos mbetet vetëm në kuadër të nisjes së punimeve./CNA.al