web counter
LEXO PA REKLAMA!

SHKARKO APP

App Store
Google Play

E fundit!

x

Një grua në krye të Gjykatës së Lushnjes/ Zbardhet pasuria e Esmeralda Çekajt

10 Qershor 2018, 09:43, Aktualitet CNA

Gjykata e Lushnjës që prej katër vitesh drejtohet nga një grua.

Në vitin 2014, Esmeralda Çeka është emëruar nga Këshilli i Lartë i Drejtësisë për të udhëhequr Gjykatën e Lushnjes.

Edhe kryegjyqtarja Çeka ashtu si kolegët e saj që udhëheqin gjykatat dhe prokuroritë do të ketë prioritet në procesin e Vettingut.

Sipas asaj që vetë kryegjyqtarja ka deklaruar pranë ILDKPK ?së rezulton se ka një pasuri, që e ul poshtë kolegëve të saj.

Nëse  kemi parasysh koston e jetesës në Shqipëri dhe pagën që ajo merr si gjyqtare, pasuria mund të quhet lartë, nëse kemi parasysh pasurinë e gjyqtarëve të tjerë, atëherë kryegjyqtarja Çeka mund të quhet e varfër.

Çeka rezulton së është pronare e një pasurie të patundshme,(tokë) në Ndroq të Tiranës.

Gjithashtu ajo ka në bashkëpronësi me bashkëshortin një apartamanet me sipërfaqe 82.50 m2 në Tiranë, të cilin deklarohet se e kanë blerë me borxhe dhe kredi.

CNA.al më poshtë sjell pasurinë kryegjyqtares të deklaruar pranë ILDKPKI.

Pasuria e deklaruar nga Esmeralda Çeka

Tokë në bashkëpronësi e përfituar nga ligji 7501 datë 19.07.1991, si anëtare e familjes bujqësore, tokë arë dhe ullishte, gjithsej 4800 m2, e ndodhur në fshatin Gërbllesh Ndroq Tiranë.

Apartament, numër pasurie 9/400+1-14, e ndodhur në Rruga “5 Maji”, hyrja 1, ap.14, Tiranë, me sipërfaqe 82.50 m2, e regjistruar në vol.50, faqe 37, ZK 8120.  Kjo pasuri është blerë nga unë dhe shtetasi Alan Xhili (bashkëshorti). Rrjedhimisht, ky apartament është në bashkëpronësi me bashkëshortin Alan Xhili.

Pasuria është blerë me këto të ardhura: Kredi e marrë ne institucion bankar, sipas kontratës datë 31.03.2017, nga unë dhe shtetasi Alan Xhili (bashkëshorti), në vlerën 8 700 000 lekë. Hua e marrë nga bashkëshorti Alan Xhili, në vlerën 12 000 euro, shtetasit Agron Morava (daja i bashkëshortit), sipas deklaratës noteriale me nr.170 rep. 70/3 kol. datë 03.03.2017. Të ardhura të kursyera nga puna ime si Gjyqtare  dhe të ardhura të kursyera nga puna, ndër vite, e bashkëshortit Alan Xhili, në vlerën 5 000 euro.

Pasuria është blerë sipas kontratës noteriale të shitjes me kusht kreditimi me nr.125 rep. 63 kol. datë 08.02.2017 (notere Mariana Daka) nga shitësit Erjon Harizi dhe Marseda Skënderi, në vlerën totale 80 000 euro ose konvertuar në lekë, sipas kontratës 10 886 400  lekë.

Në llogari plan kursimi, në emrin tim, me numër 96457238401, gjendja e llogarisë deri ne datë 31.12.2017 është 136 396.49 lekë. Kjo llogari është krijuar nga derdhjet periodike nga llogaria e pagës si Gjyqtar.

Në llogari rrjedhëse, në emrin tim, me numër 96457237101, gjendja e llogarisë deri në datë 31.12.2017 është 70 378.00 lekë.

Të ardhura nga paga si Gjyqtare për periudhën 01.01.2017- pjesërisht korrik 2017, Në vlerën 907 241 lekë.

Të ardhura nga pagesa gjatë lejes se lindjes për periudhën 27.07.2017- 31.12.2017, në vlerën 301 878  lekë.

Shpërblimi i lindjes së fëmijës së mitur, që akordohet nga Sigurimet Shoqërore, në vlerën 12 000 lekë

Shpërblimi i lindjes së femijës së mitur, që akordohet nga Bashkia Tiranë, në vlerën  5 000 lekë

Të ardhura nga paga si Oficer i Policisë Gjyqësore i bashkëshortit Alan Xhili për periudhën janar-dhjetor 2017, në vlerën  769 273 lekë.

Kredi e marrë sipas kontratës bankare dhe hipotekë me nr.881 rep. 468/6 kol. datë 31.03.2017. Kjo kredi është marrë nga ana ime, si kredimarrëse dhe e bashkëshortit Alan Xhili, si bashkëkredimarrës. Kjo kredi është marrë përgjatë vitit 2017.

Kredia është marrë në vlerën 8 700 000 (tetëmilion e shtatëqind mijë) lekë, për blerje shtëpie. Shuma e aprovuar e kredisë është transferuar në llogari të noteres Mariana Daka, sipas kontratës së shitjes me kusht kreditimi me nr.125 rep. 63 kol. datë 08.02.2017. Kredia është marrë për afatin 15 vjet, me këst mujor, për gjatë vitit 2017, në vlerën 62 194.78 lekë.

Gjendja e detyrimit e mbetur pa shlyer deri në datë 31.12.2017, është 8 402 417.20 lekë.

Pasuria e bashkëshortit

Apartament (shtëpi banimi), numër pasurie 8/54+2-35, e ndodhur në Rruga “Hasan Sufa” p.2, sh.2, k.4, ap.35 Tiranë, me sipërfaqe 55.6 m2. Kjo pasuri është përfituar nga ligji nr.7652 datë 23.12.1992 “Për privatizimin e banesave shtetërore”, nga unë Alan Xhili dhe nëna ime Suzana Morava.

Automjet tip “DA1MLER 203”, vit prodhimi 2004, blerë në vitin 2016.

Çmimi i blerjes 1 100 euro + tarifa për transportin në vlerën 300 euro + vlerën e zhdoganimit 51 603 lekë

Gjendja e llogarisë rrjedhëse në emrin tim, deri në datë 31.12.2017, në vlerën  6 404.44 lekë.

Për pasurinë që kam në bashkëpronësi me bashkëshorten, apartament (shtëpi banimi) nr.9/400+1-14, është deklaruar më lart nga bashkëshortja Esmeralda Xhili (Çeka).

Të ardhura nga paga si Oficer i Policisë Gjyqësore për periudhën janar- Vlera 769 273  lekë.

Të ardhura nga paga si Gjyqtare e bashkëshortes Esmeralda Xhili (Çeka), për periudhën 01.01.2017- pjesërisht korrik 2017, në vlerën 907 241 lekë.

Të ardhura nga pagesa gjatë lejes së lindjes së bashkëshortes Esmeralda Xhili (Çeka), për periudhën 27.07.2017-31.12.2017, në  vlerën 301 878 lekë.

Shpërblimi për bashkëshorten, i lindjes së fëmijës së mitur nga Sigurimet Shoqërore, në vlerën 12 000 lekë

Shpërblimi për bashkëshorten, i lindjes së Pëmijës së mitur që akordohet nga Bashkia Tiranë, në vlerën 5 000 lekë.

Hua e marrë nga shtetasi Agron Morava (daja/vëllai i nënës time Suzana Morava), sipas deklaratës noteriale me nr.170 rep. 70/3 kol. datë 03.03.2017. Kjo hua është marrë përgjatë vitit 2017. Huaja është marrë në vlerën 12 000 euro.

Detyrimi për ushqim në vlerën 12 000  lekë, në muaj, për fëmijën tim Frenki Xhili, sipas vendimit gjyqësor për zgjidhjen e martesës./CNA.al

 





Lajmet e fundit nga