E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nuk ka qetësi për ish-Ministrin/ Hajdarmataj “dhëmbë për dhëmbë”meTahirin

29 Maj 2018, 11:42, Aktualitet CNA

Ish-Ministri Saimir Tahiri, i cili është nën hetim për ?Korrupsion pasiv? dhe ?Trafikim narkotikësh, në bashkëpunim në kuadër të grupit të strukturuar kriminal?, është lënë i lirë dje, nga Gjykata e Apelit për Krime të Rënda.

Tahiri që prej datës 12 maj, ishte nën masën e sigurimit ?arrest shtëpie?.

Treshja e gjyqtarëve, Saida Dollapi, Sokol Binaj dhe Fehmi Petku shfuqizuan vendimin e Gjykatës së Shkallës së parë, duke e lënë kështu Tahirin të hetohet në gjendje të lirë.

CNA.al mëson se ka pasur debate mes treshes së gjyqtarëve për të arritur në këtë vendim.

Ish-kreu i Prokurorisë për Krime të Rënda, Besim Hajdarmataj, i cili ka firmosur nisjen e hetimeve për ish-Ministrin e Brendshëm, në një pronocim për CNA.al ka thënë, se nuk do ndalen derisa ti shkojnë deri në fund kësaj çështjeje.

Deklarata e tij erdhi, pas vendimit të Gjykatës së Apelit, e cila e la në liri Saimir Tahirin.

Hajdarmajtaj ka treguar, se cilat do të jenë lëvizjet e radhës së Prokurorisë.

?Ne do të vazhdojmë hetimin. Kjo lloj vendimmarrje sigurisht që nuk e ndryshon në mënyrë absolute qëndrimin tonë. Ne do të vazhdojmë kryerjen e veprimeve hetimore brenda dhe jashtë vendit dhe mendoj që deri në momentin kur ne kemi afat hetimesh do të kemi dhe një qëndrim përfundimtar?, ka thënë Hajdarmataj.

Sipas prokurorit që ka ?thinjur? Saimir Tahirin, para gjykatës janë prezantuar prova të reja, ndërkohë që togat e zeza kanë vendosur ta lënë të lirë.

?Përveç përgjimeve që kanë qenë më përpara mes subjekteve të tjerë që kur kanë komunikuar me njëri tjetrin, të cilët flasin për personin e tretë, që është Saimir Tahiri, ne kemi arritur të provojmë jo vetëm lidhjen e Saimir Tahirit me vëllezërit Habilaj , por edhe shërbimet që ata i kanë kryer Saimir Tahiri?, ka treguar për CNA.al, prokurori Besim Hajdarmataj.

Ky i fundit, ashtu siç e ka thënë edhe para gjykatës, ka treguar se për çfarë faktesh të reja bëhet fjalë.

?Jemi kapur përveç të tjerave në një rast shumë interesant, i cili po hetohet. Bëhet fjalë për mjetin lundrues të cilin e ka përdorur dy vite me radhë Saimir Tahiri. E ka përdorur në vitin 2015 dhe pastaj në vitin 2015 dhe na rezulton se në momentin kur mjeti lundrues është prishur në Greqi, ku ka pësuar një defekt, për ta rregulluar, atje ka shkuar njëri nga vëllezërit Habilaj, i cili është Artan Habilaj.

Kanë ndenjur dy ditë atje dhe në momentin që nuk kanë rregulluar diçka , pra nuk është bërë mjeti lundrues funksional, kanë vendosur që të njëjtin mjet lundrues, ta marrë për ta kthyer në Shqipëri, Artan Habilaj. Ndërsa automjetin që ish-Ministri i Brendshëm i kishte shitur Artanit ia kanë dhënë për të udhëtuar Saimir Tahirit për në Shqipëri.

Pas 20 ditësh këtë mjet lundrues e ka marrë për ta rregulluar në Itali, Moisi Habilaj. Ai e ka dërguar bashkë me dy mekanikë, në Brindizi. E ka marrë nga Vlora dhe e ka dërguar atje.

Përveç provave që ne kishim më parë, ne kemi arritur të provojmë edhe këto dy fakte , që provojnë jo vetëm lidhjen por edhe shërbimin ndaj ish-Ministrit të Brendshëm. E gjithë kjo ka ndodhur në periudhën 2013, 2014 dhe 2015 kur ata zhvillonin edhe aktivitetin kriminal në Katania?, ka treguar prokurori Hajdarmataj./CNA.al