E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Berisha si radikal, Basha si i moderuar

29 Maj 2018, 09:59, Aktualitet CNA

Në pesë vitet e fundit, Partia Demokratike është drejtuar nga Lulzim Basha. Kryetari i PD-së, i zgjedhur si trashëgimtar nga Sali Berisha, i cili falë paaftësisë së tij epike e ka çuar PD-në në minimumin historik të votave, mbështetjes popullore, por edhe vetë strukturës brenda PD-së.

Por, ajo që ka spikatur dhe që shpesh diskutohet është roli që ka Sali Berisha në drejtimin e PD-së. Sjellja e tij politike në opinionin publik, si dhe pozicioni që mban kryetari i emëruar Lulzim Basha.

Në këto pesë vite shpesh kemi parë një ndryshim rolesh. Lulzim Basha ka bërë rolin e liberalit, dhe politikanit me vizion europian. Këtë e bëri edhe në protestën e fundit, kur tentativën e qytetarëve për rezistencë e quajti dhunë dhe fiku zjarrin e atyre pak demokratëve që do qëndronin me shpirt ditë e natë deri në dorëheqjen e Fatmir Xhafajt.

Por, Basha sa herë bën rolin e liberalit, përballë ka radikalin Sali Berisha, liderin historik të PD-së, njeriun që e ka vendosur në atë karrige dhe që shumë njerëz besojnë se me një fërshëllimë mund ta heqë, por është e vështirë që kjo të ndodhë tashmë.

Berisha merr rolin e radikalit, bën thirrje për revolucion sa herë që Lulzim Basha është i moderuar, por në këto pesë vite ka ndodhur edhe e kundërta, çka e ka bërë këtë lojë politike një akt të pabesueshëm.

Le të kujtojmë disa raste:

Në çadër ishin thirrjet e Berishës për revolucion, por radikal u bë edhe Lulzim Basha kur deklaroi se Fatmir Xhafaj nuk do të hynte në ministrinë e Brendshme pa kaluar mbi trupin e tij dhe të demokratëve që ishin në çadër. Nga ana tjetër çonte këshilltarët e tij miserabël që ti kërkonte Berishës të heshte apo të largohej nga skena politike.

Në negociata me ndërkombëtarët, Lulzim Basha deklaronte se ishte gati ta mbyllte çadrën, por ishte Sali Berisha që e pengonte, duke ja faturuar atij lëvizjen radikale në çadër, megjithëse ishte vetë ideatori, skenaristi dhe ekzekutori.

Mori rolin e të moderuarit dhe firmosi marrëveshjen me Edi Ramën. Kolapsin e çadrës e justifikoi me Sali Berishën. Vetë mori rolin e të moderuarit dhe atë e çoi në skain radikal.

Më tej me listat e deputetëve, sërish merr pozicion radikal, bën spastrime për interesa krejtësisht korruptive dhe në interes të xhepit të tij. Merr përsipër listën, është ekstremisht radikal në sjelljen e tij brenda PD-së dhe pasi humbet, justifikohet se i ka marrë përgjegjësitë e tij, rikthehet në pozicion të moderuar dhe faturën e listës ja kalon Berishës, jo publikisht, por nën rogoz. Shumica në PD janë të bindur se ajo është ?lista Berisha?, megjithëse ajo është firmosur dhe vulosur nga radikali Basha.

Më pas kemi zgjedhjet në PD, sërish radikalizim nga ana e Bashës dhe rol të moderuar nga Sali Berisha, i cili gjithë kohës bën thirrje për bashkim. I tërheq nga pak veshin Lulit dhe përdor shuplaka për kritikët.

Më tej vjen kryesia dhe ndryshimet në statut, që tregojnë një tjetër pozicion të radikalizuar të Lulzim Bashës. Vjen dhe Kuvendi, i cili është pjesa më ekstreme.

Së fundi kemi dhe protestën, të cilën Luli kërkoi ta radikalizonte, më pas i dështoi dhe mori rolin e personit të moderuar.

Sa herë Luli është në hall, Berisha është i moderuar dhe përpiqet të jetë ?susta?. Kur Luli ka pak ngritje, dhe ka nevojë për më shumë ekstremizëm, sërish vjen në rol Berisha. E thjeshtë me gjuhën e futbollit, ?topin? ja pasojnë njëri-tjetrit.

Asnjëri prej tyre nuk është radikal, dhe kurrësesi Lulzim Basha i moderuar, por në fakt është një lojë, një sajesë dhe për ta mbyllur dhe për të qënë të vërtetë deri në fund, e gjitha kjo është tallja e Lulzim Bashës me PD dhe pafuqia e tij për të nxitur rezistencë dhe revoltë të vërtetë popullore kundër qeverisë, që jo vetëm e ka mbushur kupen, por edhe i është derdhur tashmë./ CNA.al