E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Qeveri e konsumuar, opozitë e pamundur

29 Maj 2018, 08:33, Aktualitet CNA

Qeveria ?Rama 2?, ose ajo e ?timonit dhe tepsisë? vetëm për Rilindjen ka startuar një tur llogaridhënie në të gjithë Shqipërinë.

Edi Rama si një mjeshtër politik, duke parë që qeveria s?ka bërë asgjë dhe me frikën e një zgripi të qeverisjes ka filluar një tur apo fushatë para elektorale, duke tentuar të reklamojë disa punë, me shpresën se do të mbajë karikuar elektoratin e tij dhe do të përcjellë një mesazh bindës tek shqiptarët.

Në fakt, qeveria në më pak se një vit pushtet të rikonfirmuar duket si në muajt e fundit të mandatit të dytë.

Kazani dhe tepsia nën drejtimin e vetëm të Edi Ramës nuk po munden të kenë ritmin e duhur. Qeveria nuk ka reforma, lokomotiva që tërheq vagonët ka ulur shpejtësinë thua se është në stacionin përfundimtar të radhës dhe vagonat janë bosh, nuk transportojnë asgjë. Megjithëse, Rilindja e mbush me pasagjerë imagjinarë.

Qeveria duket shumë e konsumuar, e lodhur, por me një ritëm propagande të papërsëritshëm në llojin e vet.

Skandale pas skandali, Edi Rama mbahet në këmbë dhe forcohet. Aq i sigurtë në vendin e tij sa është gati të provokojë zgjedhje të parakohshme, për të konsoliduar më tej pushtetin dhe për ta çuar në një sfilitje totale, opozitën e pamundur të Lulzim Bashës.

Edhe pse qeveria goditet nga skandalet. Opinioni publik në mazhorancë ka pakënaqësi ndaj qeverisë, por urrejtjen ndaj Ramës dhe të tijve nuk po e përthith dot Lulzim Basha.

Kreu i PD-së duket i lodhur, thuajse i sfilitur. Me një parti të përçarë, me një lidership skandaloz, me një grup parlamentar qesharak, me shpatulla pas murit, dhe i ?marrë peng? nga familja, Lulzim Basha e ka të pamundur të rrëmbejë urrejtjen dhe pakënaqësinë popullore ndaj qeverisë së konsumuar dhe ta kthejë në uragan kundër saj.

Gjithçka Edi Rama prodhon kundër vetes, e mban dhe e përdor si trofe. Lulzim Basha nuk prodhon dot asgjë, përveçse zbut urrejtjen popullore ndaj Edi Ramës, me aktet e tij politike.

Sot Shqipëria ka një qeveri të konsumuar dhe një opozitë të pamundur./ CNA.al