web counter
LEXO PA REKLAMA!

SHKARKO APP

E fundit!

x

Audio-përgjimi/ Xhafaj drejt dorëheqjes?

25 Maj 2018, 16:55, Aktualitet CNA

Ministri i Brendshëm, Fatmir Xhafaj ka reaguar pak orë pas protestës së opozitës, ku nesër do të kërkohet dorëheqja e tij.

Në një postim në faqen e tij në rrjetet sociale, Xhafaj shkruan se nëse audiopërgjimi ku thuhet se vëllai i tij flet me trafikantë, rezulton se është i vërtetë, do të japë dorëheqjen.

?Bashkëqytetarëve të thirrur në protestë, u them sot : Nëse audio përgjimi i bërë publik nga PD, do të rezultojë i vërtetë, unë do të marr çdo përgjegjësi morale, politike e ligjore, përfshi dhe largimin nga funksioni i Ministrit të Brendshëm. Jam i gatshëm ta bëj këtë pa hezitim.

Nëse provohet e kundërta, atëherë duhet që Lulëzim Basha të dorëhiqet dhe të përballet me ligjin. Pyeteni: A është ai i gatshëm për këtë sfidë? E vërteta është vetëm një, dhe vetëm një në këtë rast. Ai që nuk është në anën e të vërtetës, duhet të përgjigjet. Këtë e kërkon interesi i ligjshëm i qytetarëve. #Drejtësiderinëfund?-shkruan Xhafaj./ CNA.al





Lajmet e fundit nga