web counter
LEXO PA REKLAMA!

SHKARKO APP

App Store
Google Play

Krimet e Rënda thërrasin gazetarin e audio-përgjimit/ Çfarë pritet të ndodhë

20 Maj 2018, 15:49, Aktualitet CNA

Një ditë më parë Partia Demokratike publikoi një deklaratë për mediet të gazetarit investigativ, Jetmir Olldashi, i cili ka intervistuar Albert Veliun dhe ka realizuar audio-përgjimin ndaj vëllait të ministrit të Brendshëm.

Mësohet se Jetmir Olldashi pritet të thirret nga Prokuroria e Krimeve të Rënda për të dhënë dëshminë e tij për këtë rast.

Gazetarja e News24, Klodiana Lala, është shprehur se ndonëse të hënën në orën 10:00 është parashikuar të merren në pyetje dy deputetët e PD Enkelejd Alibeaj dhe Ervin Salianji, së bashku me ish-ministrin e Drejtësisë Gazment Bardhi, mundet që gazetari Olldashi të merret në pyetje para zyrtarëve të PD.

Ndonëse kishte dy procedime të ndara penale, njëri në Prokurorinë e Tiranës e tjetri nga ajo e Krimeve të Rënda, tashmë janë bashkuar dy procedimet në një, e kështu e hëna dhe e marta priten të jenë vendimtare për këtë çështje.

Gazetarja Lala është shprehur se pritet që gazetarit Olldashi t’i kërkohen të gjitha pajisjet e përdorura në përgjim, si kamera, aparate, telefona dhe materiali bruto i përgjimit, kjo për shkak se duhen mjetet origjinale për të nxjerrë dhe një ekspertizë sa më të saktë dhe më të besueshme për zërat që dëgjohen në audio-përgjim.

Mësohet se gazetari do të pyetet edhe rreth Albert Veliut, takimeve me të dhe çështjet e përmendur në audio-përgjimin e realizuar prej tij, ndërsa pritet që pas dëshmive të nisë ekspertiza e audio-përgjimit. /CNA.al





Lajmet e fundit nga